भांगरभूंय | प्रतिनिधी
खबरां संस्था
नवी दिल्लीः रिलायन्स ग्रुपाच्या वायकॉम 18न फुडल्या पांच वर्सां खातीर भारतीय क्रिकेट नियामक मंडळाचे (बीसीसीआय) मीडिया हक्क सुरक्षीत केल्यात. बीसीसीआयन सप्टेंबर 2023 तें मार्च 2028 ह्या तेपा खातीर नव्या चक्रा खातीर मीडियाा हक्कांचो पावणी आयोजीत केल्ली. ते मेळोवपा खातीर वायाकॉम 18न फुडल्या पांच वर्सां खातीर भारतांत जावपी द्विपक्षीय क्रिकेट मॅचीं खातीर बीसीसीआय मीडिया हक्का खातीर सगल्यांत चड ल्हास लायली. ते दर एके मॅची खातीर बीसीसीआयक 67.8 कोटी रुपये दितले.
जिओ सिनेमा सगल्या मॅची ऑनलायन स्ट्रीम करतोलो आनी स्पोर्टंस 18 ते टेलिव्हिजनाचेर प्रसारीत करतले. पयलींचे अधिकृत प्रसारक स्टार सोर्टंस नेटवर्क फुडल्या म्हयन्यांत ऑस्ट्रेलिया माळ आनी ऑक्टोबर-नोव्हेंबरात जावपी आयसीसी वन-डे वर्ल्ड कप 2023च्यो मॅची प्रसारीत करतले. वायकॉम 18 फुडल्या पांच वर्सां खातीर भारताच्या देशांतर्गत आंतरराष्ट्रीय मॅचींचें प्रसारण करपा खातीर दरेका मॅचीक डिजिटल आनी टीव्ही दोनांय खातीर 67.8 कोटी रुपये दितले.
हे हक्क दोन पॅकेजीसांत विकल्यात. पॅकेज ए हातूंत भारतीय उपखंड टीव्हीचो आसपाव आशिल्लो जाल्यार पॅकेज बी हातूंत भारतीय उपखंड डिजिटल प्लस वर्ल्ड टीव्ही आनी डिजिटल हाचो आसपाव आशिल्ली. पॅकेज एची मूळ मोल 20 कोटी आनी पॅकेज बी खातीर 25 कोटी रुपया दवोरल्लें, वट्ट 88 मॅचीं खातीर दरेका मॅचीची आदारभूत मोल 45 कोटी रुपया आशिल्लें.
2018 वर्सा स्टार स्पोर्ट्स इंडियान 2018 तें 2023 ह्या तेपा खातीर टीव्ही आनी डिजिटल प्लॅटफॉर्मा खातीर 6138.1 कोटी रुपयांची बोली लायि्लली. जे दरेक मॅची खातीर सरासरी 60.1 कोटी रुपया आशिल्ली. तातूंत सोनी स्पोर्ट्स नेटवर्कान आतां झी सयत एकत्रीत 2024 सावन फुडल्या चार वर्सां खातीर आयसीसी वर्ल्ड कपाचे टीव्ही हक्क घेतल्यात. बीसीसीआयक आतां दरेक मॅच 67.8 कोटी अशें पांच वर्सांत 5, 966, 4 कोटीची डील मेळ्ळ्या. 2018-2023 ह्या तेपा खातीर स्टार इंडियान 6130.10 कोटी रुपयांत मीडिया हक्क घेतिल्ले. ताचे परस आतांची रक्कम उणी दिसतातरी तेन्ना 100 प्लस मॅची आशिल्ल्यो आनी आतां 88 मॅची आसात.डिजिटल हक्क 3100 कोटी आनी टेलिव्हिजन हक्क 2860 कोटींक विकल्यात. तातूंत 25 टॅस्टी, 27 वन-डे आनी 36 टी-20 मॅचींचो आसपाव आसा. मुखेल देशां मदीं ऑस्ट्रेलिये आड 21, इंग्लंडा आड 18, दक्षीण आफ्रिके आड 10 आनी न्यूझिलंडा आड 11 मॅची आसात.
————————————————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
