भांगरभूंय | प्रतिनिधी
भांगरभूंय । प्रतिनिधी
काणकोणः आमोणें – पैंगीण हांगच्या बलराम निवासी विद्यालयांत राष्ट्रीय खेळा दीस वेगवेगळ्या कार्यावळींनी मनयलो. ह्या वेळार मुखेल सोयरे म्हणून राष्ट्रीय पांवड्यार गोंयचें प्रतिनिधीत्व केल्लो विद्यालयाचो आदलो विद्यार्थी प्रवीण गांवकार हाजीर आशिल्लो. चंद्रेश्वर गांवकार, निवृत्त पीटी शिक्षक सुधीर वाटवे, ज्येश्ठ शिक्षक दामोदर वेळीप, पीटी शिक्षिका केसर गांवकार आनी सुनील गांवकार ह्या वेळार हाजीर आशिल्ले.
सुधीर वाटवे हाणे मेजर ध्यानचंद हांणी हॉकी मळाक दिल्ल्या योगदानाची म्हायती दिली. बरो खेळगडो जावपा खातीर मेहनत करपाची गरज आसा अशें प्रवीण गांवकारान सांगलें. सुरवेक मेजर ध्यानचंद हांच्या फोट्याक फुलां हार घालून तांकां आर्गां ओपलीं.
खेळा दिसा निमतान आयोजीत केल्ल्या मॅरेथॉन सर्तींत पांचवी तें सातवीच्या चल्यांच्या गटांत तुषार गांवकार, सोहम तवडकार, कुणाल गावडे, अनुष गांवकार आनी आयुष्य वेळीप जाल्यार चलयांच्या गटांत छाया वेळीप, साक्षी वेळीप, प्राची वेळीप, वर्षा गांवकार आनी सेजल गांवकार, आठवी
तें धावेच्या चल्यांच्या गटांत यश वेळीप, नवनाथ गांवकरा, वेदांत गांवकार, साहिल गांवकार, आनी स्वप्निल गांवकार चलयांच्या गटांत सवेली गांवकार, श्वेता गांवकार, जोत्स्ना गांवकार, क्रांती वेळीप आनी प्रियांका गांवकार हांका इनामा फावो जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
