भांगरभूंय | प्रतिनिधी
भांगरभूंय। खेळां मेज
पणजीः अस्मिता खेलो इंडिया चयलांचे वुशू लीग सर्तीचें आयोजन असोसिएशन ऑफ गोवा वुशू वतीन पावलो किलमन फर्नांडीस हाच्या मार्गदर्शना खाला काम्पाल- पणजे हांगा हालींच जालें. गोंयांतल्या वेगवेगळ्या वाठारांतल्या सांशाव स्परिंग आनी तावलू रुटीन ह्या खेळां प्रकारांत 100 परस चड खेळगड्यांनी दोन दीस चलिल्ले सर्तींत वांटो घेतलो. सुमार
पोरणो बाजार- फोंडें हांगच्या सरकारी हायस्कुलना सर्तींत सांघीक वस्तादपण मेळयलें. थिवीच्या सेंट अॅन्स हायस्कूल उपजैतिवंत थारलें. म्हापशेंच्या श्री गणेश उच्च माध्यमीक विद्यालय आनी कुवो शू कुंफू अकादमी हांका जोड तिसरो नंबर मेळ्ळो.
सर्तीक गोंय चेंबर ऑफ कॉमर्साच्या बायल विभागाची अध्यक्ष आशा आरोंदेकार, साखळेची नगरसेविका सिद्धी प्रभू, गोय वैजकी म्हाविद्यालयाची डॉ अपर्णा बेळगांवकार, वुशू असोसिएशनाची उपाध्यक्ष नियती चिमुलकार, काजल बागकार, अस्नोडें पंचायतीची पंच वांगडी प्रीतम नायक, उज्वला वाडकार आनी शिवानी नागवेकार हाजीर आशिल्ली. तांणी जैतिवंत पंगडांक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
