भांगरभूंय | प्रतिनिधी
भांगरभूंय । खेळां मेज
पणजीः फोंडें तालुको बुद्धिबळ असोसिएना वतीन गोंय बुद्धिबळ असोसिएशनाच्या पालवान मंगेशी वागळे हायस्कुलांत 8 तें 10 सप्टेंबर मगजतीं अखील गोंय कलावती आई बुद्धिबळ सर्त आयोजीत केल्या. अंडर 13 (चले- चलयो) तशेंच हे सर्ती उपरांत राष्ट्रीय खेळा सर्ती खातीर गोंयचो पंगड वेंचून काडटले.
8 सप्टेंबराक दनपारां 2.30 वरांचेर सर्तीची पयली फेरी जातली. चले आनी चलयांचे सर्तींत 1 जानेवारी 2010 दिसा वा ते उपरांत जल्मल्ल्या सर्तकांक वांटो घेवपाक मेळटलो. 250 रुपया प्रवेश फी आसतली. ती फोंडें तालुको बुद्धिबळ असोसिएशनाच्या नांवांन एनएकजीएसबी बँक, फोंडें फांटो, सेव्हीक खातें नंबर 017100100004881, आयएफएससी कोड एनकेजीएस0000017 भरची पडटली.
अंडर 13 सर्तींत पयल्या 6 चले आनी चलयांक रोख इनामां आनी करंड दितले. अंडर 7 आनी अंडर 11 गटांतल्या दोन जैतिवंत सर्तकांक इनामां दितले. चडावत म्हायती खातीर सागर साकोर्डेकार (7261949306), अमोग नमशिकार ( 9422455896), विल्सन क्रुज (9766109574) वा आनंद कुट्टीकार ( 9823988720) हांचे कडेन संपर्क सादचो अशें कळीत केलां. प्रवेश फी भरले उपरांत सर्तकाचें नांव, जल्म तारीख 9422455896 ह्या नंबराचेर धाडचें पडटलें. सर्तींत वांटो घेवपाची 6 सप्टेंबर ही निमणी तारीक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
