भांगरभूंय | प्रतिनिधी
भांगरभूंय । प्रतिनिधी
केंपेंः कुडचडे सावड्डें लायन्स क्लब आनी आंबावलीच्या चंद्रेश्वर भूतनात उच्च माध्यमीक विद्यालया वतीन आयतार 3 सप्टेंबराक सकाळीं 6 वरांचेर मॅरेथॉन सर्त आयोजीत केल्या, अविन नायक हाणे घेतिल्ले एके पत्रकार परिशदेंत ही म्हायती दिली. ह्या वेळार विद्यालय वेवस्थापन समितीचे अध्यक्ष संदीप नायक, प्राचार्य स्वप्नीश नायक, वैभव बाळे, गुलेर्मो डिगामा, विपुल सिरसाट हाजीर आशिल्ले.
सर्त दोन गटांत जातली. पयलो गट सगल्यां खातीर उक्तो आसा जाल्यार दुसऱ्या गटांत हायस्कूल विद्यार्थ्यां खातीर आसा. सर्ती खातीर 3 आनी 5 किलोमीटर अंतर आसा. आंबावली तें कुंकळ्ळी उद्देगीक वसणूक मजगतीं ही सर्त जातली. फीट इंडिया मुव्हमेंटच्या माध्यमांतल्यान हे सर्तीचें आयोजन केलां. अशें नायक हाणे सांगलें. फाटल्या चार दिसां सावन राष्ट्रीय खेळा दिसा निमतान ही मॅरेथॉन सर्त आयोजीत करतात. कोरोना म्हामारीच्या वर्सांत ही सर्त जावपाक शकली ना अशें प्राचार्य नायक हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
