भांगरभूंय | प्रतिनिधी
भांगरभूंय । खेळा मेज
पणजीः वास्कोच्या तायकोंडो अकादमीच्या सर्तकांनी 26 आनी 27 ऑगस्टाक बंगळुरूंत जाल्ल्या वेस्टार्स कप राष्ट्रीय उक्ते तायकोंडो सर्तींत बरे येस मेळयलें. अखील कर्नाटक खेळ आनी आर्ट अकादमीन ही सर्त आयोजीत केल्ली. तायकोंडो अकादमीच्या 24 विद्यार्थ्यांनी भांगराची, 5 जाणांनी रुप्याचीं आनी 3 जाणानी कांस्या पदका मेळयली.
कायोरुगी सर्तींत सहर्श वेळीप, मुदित पी सिंगबाळ, सिंचना गौडर, वंश ओ सरोज, अनुष ए डेक्टर, आदित्य डेक्टर, केतन राजपूत, मिओरा बार्रेटो, ओम पुनगांवकार, सागर राठोड, अविनाश डेक्टर, समर्पण सुभ्भा, हरिष राजपूत, ओम नायडू, शानू राठोड हांणी भांगरां पदकां मेळयली. कॅलन फर्नांडीस हांका कांस्या पदक मेळ्ळें.
पूमसाय सर्तींत कॅलन फर्नांडीस, ओम डी पुनगांवकार, संचना गौडर, अनुष डेक्टर, केतन राजपूत, सागर राठोड, समर्पण सुभ्भा, ओम नायडू, शानू राठोड हांका भांगराची, सहर्ष वेळीप, वंश सरोज, आदित्य डेक्टर, अविनाश डेक्टर, हरिष राजपूत हांका रुप्यांची आनी मुदित सिंगबाळ आनी मेवरा बार्रेटो हांका कांस्यां पदका मेळ्ळी. पंगडाक महादेव चव्हाण, उमेश राठोड आनी श्रीनिवास राठोड हांणी प्रशिक्षीत केलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
