भांगरभूंय | प्रतिनिधी
भांगरभूंय । खेळां मेज
पणजीः 17 वर्सां पिरायेच्या विद्यार्थ्यां खातीर आयोजीत केल्ल्या दक्षीण गोंय सुब्रतो कप फुटबॉल सर्तींत कुडचडेंच्या गार्डियन्स एंजल्स उच्च माध्यमीक विद्यालय पंगडान वस्तादपण मेळयलें. धर्मापूर मैदानार जाल्ल्या एकतर्फी फायनलींत तांणी वेळसांवच्या सेंट थॉमस हायस्कूल पंगडाक 5-0 अश्या गोलांनी हारयलें.
पुराय मॅचींत गार्डियन्स एंजल्साच्या खेळगड्यांनी खेळाचेर आपलो शेक दवोरलो. शॉन फर्नांडीस आनी एल्डेन फ्रान्सिस हांणी जैतिवंत पंगडा खातीर दरेकी दोन आनी ब्रायडन फर्नांडीस हांणे एक गोल केलो .राज्य वस्तादपणां खातीर उत्तर गोंयांतल्या जैतिवंत पंगड गार्डियन्स एंजल्स पंगडा कडेन फायनल खेळटलो..
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
