भांगरभूंय | प्रतिनिधी
नवी दिल्ली, खबरां संस्था ः जी-20 शिखर परिशद 9-10 सप्टेंबराक राजधानी दिल्लींत जातली. हातूंत जायते संवसारीक फुडारी वांटो घेतले. अमेरिकेचो राष्ट्राध्यक्ष बिडेन 7 सप्टेंबराक हे परिशदे खातीर भारतांत येतलो. प्रसार माध्यमांच्या खबरां प्रमाण ह्या शिखर परिशदे खातीर चीनाचे अध्यक्ष जिनपिंग भारताक भेट दिवंक शकतात.
संवसारीक फुडारी हाजीर आसतले
मिडिया हाऊस विओन (WION) च्या म्हणण्या प्रमाण फ्रेंच राष्ट्राध्यक्ष मॅक्रॉन, जपानचे प्रधानमंत्री फुमियो किशिदा, साउदी क्राउन प्रिन्स मोहम्मद बिन सलमान सयत 25 परस चड व्हड फुडारी हे परिशदेंत वांटो घेतले.
सोमारा प्रधानमंत्री मोदी हांचे कडेन फोनाचेर संवाद सादतना तांणी सांगलें, परराश्ट्र मंत्री सर्गेई लाव्हरोव्ह ताचे सुवातेर हे परिशदेक हाजीर रावतले. जी-20 वांगड्यांच्या देशां भायर भारतान बांगलादेश, युएई, सिंगापूर, ओमान ह्या सारक्या हेर जायत्या देशांक हे शिखर सभे खातीर आपयल्यात.
2008 वर्सा जी-20 शिखर परिशद पांवड्यावयली बसका सुरू जाले उपरांत भारताक अध्यक्ष पदाची संद मेळपाची ही पयलीच खेपेची गजाल. राष्ट्रपती जाले उपरांत बायडेन भारताक भेट दिवपाची ही पयलीच खेपेची गजाल. अशे परिस्थितींत दोनूय देशांच्या संबंदा खातीर ही भेट म्हत्वाची थारूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
