भांगरभूंय | प्रतिनिधी
खबरां संस्था ः देशांत मोबायल वापरप्यांचो आंकडो सतत वाडत आसा. भारतीय दूरसंचार नियामक प्राधिकरणाच्या अहवाला प्रमाण देशभरांतल्या वापरप्यांचो आंकडो जून 2023 मेरेन 3.74 लाखांनी वाडून 114.36 कोटी जालो.
जियो आनी एअरटेल नवे गिरायक जोडपाक लागल्यात. जाल्यार बीएसएनएल आनी वोडाफोन-आयडिया कंपनीचे गिरायक उणे जायत आसा.
बीएसएनएल आनी वोडाफोन-आयडियाचे गिरायक उणे जाल्यान जियो आनी एअरटेलाक फायदो जालो. जून म्हयन्यांत जियोन 22.73 लाख वापरपी, जाल्यार मे म्हयन्यांत 30.4 लाख वापरपी जोडले. हाचे वांगडाच वट्ट वापरप्यांचो आंकडो वाडून 43.86 कोटी जाला.
दुसरे वटेन एअरटेल कंपनीन 14.09 लाख गिरायक जोडले, जाल्यार मे म्हयन्यांत 13.3 लाख वापरपी जोडले. हाचे वांगडा कंपनीच्या वट्ट वापरप्यांचो आंकडो 37.37 कोटी मेरेन वाडला.
ट्रायच्या म्हणण्या प्रमाण, रिलायन्स जियोचो दूरसंचार बाजारांतलो वाटो अंदूं जूनांत 51.96 टक्क्यांवयल्यान 38.35 टक्क्यांनी देंवलो, जाल्यार भारती एअरटेलाचो बाजारांतलो वाटो 28.78 टक्क्यां वयल्यान 32.68 टक्क्यांनी वाडलो. त्याच वेळार वोडाफोन- आयडियाचो वाटो मे म्हयन्यांतल्या तुळेंत जूनांत 14.42 टक्क्यांवयल्यान 20.08 टक्क्यांनी देंवला. ते भायर बीएसएनएलचो बाजारांतलो वाटो 2.96 टक्क्यांनी वाडून 8.71% जालो.
50 लाख ब्रॉडबँड ग्राहक जोडले
देशांतल्या ब्रॉडबँड ग्राहकांत ०.५४% वाड जाली. म्हणल्यार सुमार 50 लाख ब्रॉडबँड गिरायक वाडल्यात. ट्रायच्या म्हणण्या प्रमाण मे म्हयन्यांत ब्रॉडबँड ग्राहकांची संख्या ८५६ दक्षलक्ष आशिल्ली, जी आतां जूनांत 86.1 दक्षलक्ष जाल्या.
जियो सगळ्यांत व्हडलें नेटवर्क
ट्रायच्या म्हणण्या प्रमाण जियो हो देशांतलो सगळ्यांत व्हडलो मोबायल ब्रॉडबँड ऑपरेटर आसून ताचे वापरपी 447 दशलक्ष आसात. 248 दशलक्ष मोबायल ब्रॉडबँड वापरपी एअरटेल दुसरे सुवातेर आसा. जाल्यार वोडाफोन-आयडियाचे फकत 124 दशलक्ष वापरपी आसात. देशांतल्या टेलिफोन ग्राहकांची संख्या ०.११ टक्क्यांनी वाडल्या. भारतांत मे 2023 वर्सा टेलिफोन ग्राहकांची संख्या 117.25 कोटी आशिल्ली, जी जून 2023 वर्सा वाडून 117.38 कोटी जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
