भांगरभूंय | प्रतिनिधी
खबरां संस्था
बुडापेस्टः हंगेरीत बुडापेस्ट हांका सुरू आशिल्ल्या संवसारीक अॅथेलेटिक्स सर्तींत भारतीय खेळगड्यांनी इतिहासीककामगिरी केली. भारताचो दादल्यांच्या पंगडान हे सर्तींत 4×400 मीटर रिले सर्तींत पयलेच फावट फायनलींत प्रवेश केलो.
संवसारीक अॅथेलेटिक्स चॅम्पियनशीत 2023त भारताक आतां मेरेन एकूय पदक मेळूं ना. ह्या वेळार देश नीरज चोप्राची वाट पळयत आशिल्लो. मजगती, भारताच्या दादल्यांच्या पंगडान 4×400 मीटर रिले सर्तीत शेनवारा सामकी बरी कामगिरी करून भारता खातीर आनी एक पदकाची आस्त वाडयली. भारतीय पंगडान फायनलींत आपली सुवात निश्चीत केली. भारता खातीर हो इतिहासीक खीण आशिल्लो. मोहम्मद अनस याहिया, अमोज जेकब, मोहम्मद अजमल वारियाथोडी आनी राजेश रमेश हांच्या भारतीय पंगडान हीट 1त धांव घेतली आनी दुसरी सुवात मेळयली.
भारताच्या पंगडान रिले सर्तींत 2 मिनिटां 59.05 सेंकद अशी वेळ नोंद करून आशियाई विक्रम मोडलो. ताचे पयलीं व्हो विक्रम जपानी पंगडाच्या नांवार आशिल्लो. ( 2 मिनटा 59.51 सेकंद) भारतीय पंगडान अमेरिके उपरांत दुसरी सुवात मेळोवन फायनलींत प्रवेश केलो.
अव्वल सुवातेर रावंन फायनली खातीर पात्र थारल्या अमेरिका आड भारताक हीट-1त दवोरल्लें. अमेरिकन खेळगड्यांनी ही सर्त दोन मिनटां 58.47 सेकंदांत पुराय केली. भारत सर्तींत ग्रेट ब्रिटन आनी बोत्सवना सारक्या पंगडा परस फुडें आशिल्लो. जॅमेका, इटली आनी नेदरलँड पंगडान ही-2तल्यान फायनलींत प्रवेश केला. रिले सर्तींत भारता कडल्यान हळू सुरवात जाली. मोहम्मद याहियान संघाक स्लो सुरवात करून दिली. पयल्या फेरी उपरांत भारत 6वे सुवातेर आशिल्लो. हे उपतां अमोड जेकबान स्पीड वाडयली आनी भारताक दुसरे सुवातेर व्हेलं. उपरांत मोहम्मद वारियाथोडी आनी राजेश रमेश हांणी नेटान निमाण्यो दोन टप्प्यांत भारताक नंबर एकाचेर व्हरून दवोरून फायनली खातीर पात्र थारायलें. अशे तरेन इतिहासांत रचून भारतीय पंगड पयलेच फावट फायनलींत पावलो.
पयल्या पप्प्या उपरांत भारत 6वे सुवातेर आशिल्लो. मात अमोजाच्या धांवपाक लागून दुसरे सुवातेर पावलो. 2 मिटां 59.05 सेकंदाचो नवो आशियाई विक्रम भारतीय पंगडान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
