भांगरभूंय | प्रतिनिधी
आफ्रिकेंतल्या मादागास्कर देशांतली घडणूक
बारिया, खबरां संस्थाः आफ्रिकेंतल्या मादागास्कर देशांत जाल्ले इंडियन ओशन आयलँड खेळां सर्तीच्या उक्तावण सुवाळ्यांत खेटाखेट जाल्ली. तातूंत 12 जाणांक मरण आयलें. थळाव्या पुलिसांनी दिल्ले म्हायती प्रमाण, हे दुर्घटनेंत 80 जाण जखमी जाल्यात आनी तांकां उपचारा खातीर हॉस्पिटलांत दाखल केल्यात. तातूंतल्या 11 जाणांची भलायकी गंभीर आसा. थळाव्या सरकारान लोकांक शांत रावपाचें आवाहन केलां.
शुक्रारा मादागास्करांतल्या बरिया स्टेडियमांत इंडियन ओशन आयलँड खेळांचो उक्तावण सुवाळो जालो. ह्या सुवाळ्यांक सुमार 50 हजार प्रेक्षक आयिल्ले. मजगतीं, स्टेडियमाच्या प्रवेशदाराचेर खेटाखेट सुरू जाली. तातूंत 12 जाणांक मरण आयलें. मादागास्कराचे प्रधानमंत्री ख्रिश्चन एनत्से हांकांय हॉस्पिटलांत दाखल केल्यात. ह्या वेळार तांणी पत्रकारां कडेन उलयतना सांगलें की, ‘ह्या खेटाखेटत सुमार 80 जाण जखमी जाल्यात आनी तातूंतले 11 जाणांची स्थिती गंभीर आसा.’
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
