भांगरभूंय | प्रतिनिधी
सात्विकसाईराज रंकीरेड्डी आनी चिराग शेट्टी हे भारताचे जोडयेन डॅनमार्काच्या कोपेनहेगन शारांत चालू आशिल्ले संवसारीक वस्तादपण सर्तीचे क्वॉर्टरफायनलींत सुवात मेळयली.
सात्विक-चिराग जोडयेन दादल्यांच्या दोट्टी गटांतले मॅचींत इंडोनेशियाचे लियो रोली कारनांडो आनी डॅनिएल मार्थिन हे जोडयेक 2-1 फरकान हारयली.
मजगतीं, दादल्यांच्या एकोड्या गटांत एच एस प्रणयान जैत जोडून फुडले फेरयेंत सुवात मेळयली. बायलांचे दोट्टी गटांत मात भारताचे जोडयेक हार घेवची पडली. त्रिसा जॉली- गायत्री गोपीचंद हे जोडयेक चीनाचे चेन किंग चेन आनी जिया यी फॅन हे जोडयेन 42 मिनटां भितर 14-21 आनी 9-21 अशा सरळ गेमींनी हारयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
