आयज, खंय, कितें?

भांगरभूंय | प्रतिनिधी

० कुडटरेच्या श्री शांतादुर्गा चामुडेश्वरी महामाया देवस्थानांत 27 ऑगस्टाक सांजवेळार 7 वरांचेर दुसरो श्रावणी आयतार मनयतले. ते निमतान सभासद पुरस्कृत कला साधना कुडटरी वतीन ‘स्वरधारा’ ही भजन कार्यावळ जातली.

० 8 ते 10 सप्टेंबर मजगतीं, रेवरी हरियाणांत 10 वी वरिश्ठ राष्ट्रीय लगोरी सर्त जातली. ते निमतान शुक्रारा 25 ऑगस्टाक दनपारां 3 वरांचेर लगोरी खेळगड्यांची निवड चांचणी मल्टीपर्पज इनडोर स्टेडियम सांखळे जातली. चड म्हायती खातीर संतोष नायक 8698014663, संदीप पेडणेकार 8830166359 वा तन्वेश वेंगुर्लेकार 9518945687 हांचे कडेन संपर्क करचो.

० अखिल गोमंतक साईसेवा मंडळ आनी श्री राष्टोळी साईबाबा मंदिर, मरड सांगोल्डा हांच्या जोडपावलान मंडळाच्या 200 व्या श्री साईसत्चरीत्र चक्रिय पारायण सुवाळ्या खातीर 200 यजमानां सयत आयतारा 27 ऑगस्टाक श्री राश्टोळी साईबाबा देवळांत सत्यनारायण पुजा आयोजीत केल्या.

० दिवचल सरकारी प्राथमीक शिक्षक कॉ. ऑप. क्रेडीट सोसायटीचो 59 वो वर्धापन दीस, विद्यार्थ्यांचो भोवमान, निवृत्त शिक्षक वांगड्यांचो भोवमान आनी संस्थेची बसका 27 ऑगस्टाक सकाळीं 9 वरांचेर छत्रपती शिवाजी महाराज सरकारी शाळा संकुल, दिवचल हांगा जातली.

० श्रीकाडसिद्धेश्वर संप्रदायाच्या सिद्धगिरी गुरुकुल ट्रस्टाची बसका आयतारा 27 ऑगस्टाक सांजवेळार ४ वरांचेर उसप नानोडा- दिवचले जातली.

० चित्रकार आनी हौशी गायक संजय हरमलकार हे इन्स्टिट्यूट मिनेझिस ब्रागांझाच्या पालवान 26 ऑगस्टाक सांजवेळा 5 वरांचेर आयएमबींत ‘मुकेशजी की यादें’ कार्यावळ सादर करतले. तातूंत तांचे वांगडा तरणाटी गायिका विभा अलगुंडगी आनी हौशी गायिका प्रतिभा बोरकार गायतलीं. सिद्धी उपाध्ये निवेदन करतलें.

० दिवचल इनर व्हील क्लबा वतीन 1 आनी 2 सप्टेंबराक चवथीचो बाजार आयोजीत केला. हांतूत सजावटीच्यो वस्तू, कपडे, फराळ आनी हेर वस्तूंचे स्टॉल लावपाक एक हजार रुपया नोंदणी शुल्क घेतले. चड म्हायती खातीर मिलिंदा कामत 9822123530, लिंडा तेली 9823165054 हांचे कडेन संपर्क करचो, अशें कळीत केलां.

० कला आनी संस्कृती संचालनालच्या बरेपणान आनी इन्स्टिट्यूट मिनेझीस ब्रागांझाच्या जोडपावलान स्वररजनी वतीन ‘मै केवल तुम्हारे लिये गा रही हुं’ ही कार्यावळ 3 सप्टेंबराक सांजवेळा 6 वरांचेर आयएमबीच्या सभाघरांत जातली.