भांगरभूंय | प्रतिनिधी
भारताची बॅडमिंटन खेळगडी पी व्ही सिंधूक संवसारीक बॅडमिंटन सर्तीचे पयलेच फेरयेंत हार घेवची पडली. तिका जपानाची नोझोमी ओकुहारा हिणें 14-21 आनी 14-21 अशा सरळ गेमींनी हारयली.
फाटल्या कांय म्हयन्यां सावन सिंधूची जैताची गाडी रुळा वयल्यान घसरल्या. लक्ष दिवपा सारकी गजाल म्हणल्यार पयली गेम हारल्या उपरांत दुसरे गेमींत 9-0 अशी आघाडी घेवन लेगीत सिंधूक उपरांत फकत पांचूच गूण मेळोवप शक्य जाले.
21 तारखे सावन सुरू जाल्ली ही सर्त 28 ऑगस्ट मेरेन डॅनमार्काच्या कोपनहेगन सारांत चलतली.
मजगतीं, दादल्यांच्या गटांत लक्ष्य सेनान कोरियाच्या जियोन हियोक जिन हाका 21-11 आनी 21-12 अशा सरळ गेमींनी हारोवन तिसरे फेरयेंत सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
