भांगरभूंय | प्रतिनिधी
सां जुझे दी आरियलाच्या धी किंग्स स्कुलाक सडन डॅथांत 7-6 अशा गोल फरकांनी हारोवन नावेलीच्या रोझरी उच्च माध्यमीक हायस्कुलाच्या पंगडान चलयांची 17 वर्सां पिराये सकयली सुब्रतो मुखर्जी साश्ट तालुको फुटबॉल सर्त जिखली. मॅच आंबेली फुटबॉल मैदानाचेर जाली.
पुर्णवेळाच्या खेळांत दोनूय पंगड गोल करपाक अपेशी थारिल्ल्यान निकाल लावपाक टायब्रेकराचो आदार घेवचो पडलो. टायब्रेकरांत रोझरी उच्च माध्यमिकाच्या पंगडान जैत जोडलें.वेर्णेंच्या मारिना इंग्लीश हायस्कुलाक 3-0 हारोवन मडगांवच्या फातिमा कॉन्वेंट हायस्कुलान तिसरी सुवात मेळयली. फातिमा वतीन झ्युरियल तावारी, शलायका रॉड्रिग्स आनी लीन फर्नांडीस हाणें दरेकी एकेक गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
