फेक व्हॉट्सऍप मॅसेज वरवी जातात आधार घोटाळे
भांगरभूंय | प्रतिनिधी
नवी दिल्ली, खबरां संस्था : आधार कार्ड आमच्या म्हत्वाच्या कागदपत्रां मदलें एक जावन आसा. तातूंत कितेंय कोफुसांव जाल्यार तुमचें खातें कांय खिणांतूच रिकामें जावपाक शकता. भारत सरकारान आधार वापरप्यां खातीर रेड अलर्ट जारी केला. UIDAI न ट्विटर (द) वापरप्यांक ह्या दिसांनी जावपी घोटाळ्यां विशीं म्हायती दिली. तुमकां कसलेय तरेचो ईमेल वा व्हॉट्सऍप मॅसेज आयल्यार सावधान रावात आनी असल्या कसलेच तरेच्या मॅसेजींक जाप दिवं नाकात.
हे मॅसेजींत स्कॅमर व्हॉट्सऍप, सामान्य संदेश वा ईमेलाचेर कागदपात्रां शेअर करपाक सांगतात. ताका लागून तांकां जाप दिवची न्हय. तुमकां तुमचें आधार कार्ड ऑनलायन अपडेट करपाचें आसल्यार तुमी अधिकृत सायटीर वचून तें करपाक शकतात. तशेंच तुमी तुमच्या लागसारच्या आधार केंद्राचेरूय वचपाक शकतात.
UIDAI च्या Tweet (X) प्रमाण, ते ईमेल वा व्हॉट्सऍपाचेर तुमचें आधार अपडेट करपा खातीर तुमची POI/POA कागदपत्रां केन्नाच शेअर करपाक सांगिना. myAadhaarPorta वरवीं तुमचें आधार ऑनलायन अपडेट करा वा तुमच्या लागसारच्या आधार केंद्रांक भेट दियात.
UIDAI न कागदपत्रांचें फुकट आधार अपडेट १४ सप्टेंबर २०२३ मेरेन वाडयलां. ह्यान पयलीं ही फुकट सेवा १४ जून २०२३ मेरेन आशिल्ली.
अशे तरेन आधार कार्डांतलो तपशील अपडेट करा वा बदला
हे खातीर पयलीं अधिकृत आधार सेल्फ सर्व्हीस अपडेट पोर्टलाचेर वचात.
आतां तुमचो आधार क्रमांक आनी ओटीपी टायप करून लॉग इन करात. उपरांत तुमकां अपडेट करपाचे आशिल्ले तपशील सोदात. आतां तुमचो फॉर्म एकदां तपासा आनी सबमीट करात.
ट्रॅकिंगा खातीर URN मेळयात. URN हो १४ अंकी क्रमांक जो आधार तपशील अपडेट करतना दितात.
उपरांत गरजेचे आशिल्ले बायोमेट्रीक पडताळणी खातीर आधार नोंदणीचेर वचात.
आतां तुमकां योग्य तपशीलां सयत अपडेट केल्लें कार्ड मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
