भांगरभूंय | प्रतिनिधी
भांगरभूंय । खेळां मेज
पणजीः गोंय विद्यापिठान आयोजीत केल्ले आंतर कॉलेज क्रॉस कंट्री सर्तींत केपेंच्या सरकारी कॉलेजाचो पंगड चले आनी चलयांच्या गटांत जैतिवंत थारलो. फाटल्या शेनवारा ही सर्त गोंय विद्यापीठआवाठांत घेतिल्ली. तातूंत गोयांतल्या कॉलेजांतल्या 250 परस चड सर्तकांनी वांटो घेतिल्लो चले आनी चलयां खातीर 10 किमी सर्तींत सुमार 28 सर्तकांनी वांटो घेतिल्लो.
हे सर्ती उपरांत अखील भारतीय आंतरा विद्यापीठ क्रॉस कंट्री सर्ती खातीर गोंय विद्यापिठाचें प्रतिनिधीत्व करपा खातीर 6 चले आनी 6 चलयांक वेंचून काडलां. 12 सर्तकांतले 5 सर्तक केपें सरकारी कॉलेजांतले आसात.
सर्तीचो निकाल फडले भशेन- चल्यांचें सांघीक जैतिवंत 1- केपें सरकारी कॉलेज, 2- एमईएस कॉलेज, वास्को, 3- डॉन बॉस्को कॉलेज, पणजी. चयल्याचें सांघीक जैतिवंत- 1 केपें सरकारी कॉलेज, 2- रोझरी कॉलेज- नावेली, 3- मल्किकार्जुन कॉलेज- काणकोण
जैतिवंत केपें कॉलेज पंगडांतले वांगडी- चले- परशुराम घाडी. मिलफोर्ट पिशोट, सिद्धांत गांवकार, शैलेश गांवकार, स्वप्नील रायकार आनी प्रवीण गांवकार. चली पंगड- अंकिता गांवकार, सिया नायक, अंकिता वेळीप, प्रतिक्षा वेळपी, दामिनी ताटे आनी छाया पाटील.
वैयक्तीक पदक जैतिवंत-चले- 1 संतोष येगडे (जीएमएफसी- धारबांदोडें. 2- मिलफर्ड पिशोट, केंपे कॉलेज, 3- परशुराम घाडी- केपें कॉलेज. चलयो- 1 आयन सुवारीस, रोझरी नावेली,2- सियानायक- केपें कॉलेज, 3- अंकिता गांवकार, केपें कॉलेज.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
