भांगरभूंय | प्रतिनिधी
काणकोण: पैंगीण ग्रामपंचायत वाठारांतल्या मार्ली तिरवाळ ह्या प्रभागांतल्या नागरिकांक घरगुती वापरांतलीं आयदनां भेटयलीं. ही कार्यावळ सरकारी मुळावे शाळेच्या सभाघरांत जाली.
प्रधानमंत्री नरेंद्र मोदी हांचे संकल्पनेंतल्यान जाहीर केल्ल्या देशांतल्या म्हत्वाकांक्षी येवजणे खाला गांवांतल्या गरीब लोकांचो राबितो सुदारपाच्या उपक्रमा खाला इंडियन रेड क्रॉस सोसायटी गोंय आनी मुक्ता दृश्टी फावंडेशन संचलीत ह्या संघटणेच्या जोड पालवान ह्यो वस्तू 17 रहिवाशांक भेटयल्यो.
ह्या सुवाळ्याक पैंगीणच्यो सरपंच सविता तवडकार, उपजिल्होधिकारी रमेश गांवकार, मुक्ता दृश्टीचे संस्थापक आनी इंडियन रेड क्रॉस सोसायटीचे वांगडी किशोर सारसोलकार, थळावी आंगणवाडी सेविका आशंका गांवकार, आदले पंच दामोदर च्यारी हाजीर आशिल्ले.
उपजिल्होधिकारी रमेश गांवकार हांणी हाजीर आशिल्ल्यांक येवकार दिलो. किशोर सारसोलकार हांणी आपलें मनोगत उक्तायलें.
रांदपाच्यो वस्तू भेटयिल्ल्यां मदीं शर्मिला चंद्रकांत गांवकार, चंद्रिका गांवकार, सुषमा गांवकार, स्वपना गांवकार, जयश्री गांवकार, प्रतीक्षा गांवकार, तेजा श्रीकांत गांवकार, ऐश्वर्या गांवकार, दर्शना दयानंद गांवकार, सविता रघुनाथ गांवकार, प्रीती प्रमोद गांवकार, शशिकला शशिकांत गांवकार, चंद्रावती गांवकार, राजश्री रामदास गांवकार, मायावती गांवकार, नीलिमा आनी मीना म्हाबळू गांवकार हांकां भेटवस्तू भेटयल्यो.
सुत्रनिवेदन दामोदर च्यारी हांणी केलें आनी निमाणें तांणीच उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
