भांगरभूंय | प्रतिनिधी
पणजीः एम. ए. कोंकणी विभाग आनी संशोधन आनी विकास मंडळ, सरकारी म्हाविद्यालय केपें हांच्या जोड पालवानएमए आनी बीए विद्यार्थ्यां खातीर ‘प्रबंदिका लेखन पद्दत आनी तंत्रां’ ह्या विशयाचेर कार्यशाळाघडोवन हाडली. ही कार्यशाळा 14 ऑगस्टाक म्हाविद्यालयाच्या कॉन्फरन्स हॉलांत जाली. कार्यशाळेक हेमंत अय्या, सहाय्यकप्राध्यापक, मराठी अध्ययन फांटो,शणै गोंयबाब भाशा आनी साहित्य महाशाला, गोंयविद्यापीठ हे मार्गदर्शक म्हूण हाजीर आशिल्ले.
कार्यशाळेच्याउक्तावण सुवाळ्याक मार्गदर्शक प्रा. हेमंत अय्या, कोंकणीचे प्राध्यापक सुशांत नायक आनी संशोधन विकास मंडळाच्यो संयोजिका प्रो.डॉ. मेहताब बुकारी माचयेर हजर आशिल्ल्यो.
कार्यावळीचे सुरवातेक एम ए कोंकणीविभागाचे प्राध्यापक सुशांत नायक हांणी कार्यशाळेचें प्रास्तावीक आनी येवकाराचें उलोवपकेलें. ‘प्रबंध आनी प्रबंदिकाफकत दस्तावेजीकरण जावचें न्हय तर तें संशोधन जावचें’ अशें सांगूनप्रबंदिका करतना संशोधनात्मक नदर आपणावन पुराय करपाचें आव्हान विद्यार्थ्यांक केलें.
डॉ. मेहताब बुकारी हांणी ‘संशोधन हो शिक्षण वेवस्थेचोकणो. तिसऱ्या वर्साचे प्रकल्पम्हणल्यार संशोधन तयार करपाचें मुळावें पावले.’ अशें सांगून संशोधनाचें म्हत्व पटोवनदिलें. त्यो संशोधन आनी विकास मंडळाच्यो संयोजिका ह्या नात्यान उलयताल्यो.
कार्यशाळेचे मार्गदर्शक प्रा. हेमंतअय्या हांणी प्रबंध वा प्रबंदिका बरोवपी विद्यार्थ्यांक योग्य आनी पुरक अशें मार्गदर्शनकेलें. संशोधन म्हणल्यारकितें हें स्पश्ट करतना मनीस जिणेक आशिल्ली संशोधनाची भास हांची म्हायती विद्यार्थ्यांकदिली. ‘आमचें संशोधन हें भोव आयामी आसचें.’ अशेंय मत तांणी मुखार मांडलें.
चारवरां चलिल्ले हे कार्यशाळेंत संशोधनाच्या वेगळ्यावेगळ्या तंत्रांचेर आनी पद्दतींचेर वेवस्थीतभासाभास जाली. हे कार्यशाळेक कोंकणी एमए आनी बीए चे पन्नास विद्यार्थी वांटेकारजाल्ले. तशेंच कोंकणी विभागाचे प्रा. दिपराज सातार्डेकार, डॉ. राखी आमोणकार, प्रा.जोफा गोन्साल्वीस, प्रा. शमिका बळ्ळीकार, प्रा. रुपेश वरख, प्रा. लक्षता मातोंडकार,हिंदी विभागाच्यो डॉ. किरण पोपकार, अर्थशास्त्र विभागाच्यो प्रा. के संगिता आनी गणीतविभागाचे प्रा. इग्निशियश फेर्नांडीस हाजीर आशिल्ले.
कार्यशाळेचे निमाणें कडेन एमए चे विद्यार्थीनलिशा वेळीप आनी सुचिता बांदेकार हांणी कार्यशाळे विशीं आपलें मनोगत उक्तायलें. कार्यावळीचें संयोजनप्रा. सुशांत नायक हांणी केलें, सुत्रसंचालन एम ए विभागाचेंविद्यार्थी शिवानीप्रिया गांवडोगरीकार हाणें केलें. एमए भाग 2 चे विद्यार्थी प्रिस्का फर्नांडीस हाणेंमानेस्तांची वळख करून दिली. जाल्यार सुचिता बांदेकार हाणें उपकाराचें उलोवप केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
