भारतान चीनी नागरिकाचो जीव वांचयलो
भांगरभूंय | प्रतिनिधी
खबरां संस्था ः भारतीय तटरक्षक दळान 16 ऑगस्टाक अरबी दर्यांत आडकून पडिल्ल्या चीनी नागरिकाक वांचयलो. पनामा रिसर्च बोटींतल्यान चीनांतल्यान युएईंत वता आसतना ताका काळजाचो आताक आयलो. ही म्हायती मुंबयच्या दर्यावेल्या बचाव समन्वय केंद्राक दिली. हाचे उपरांत भारतीय दर्यादेग राखणदारान वायट हवामानांत लेगीत दर्याच्या मदीं बचाव मोहीम चालु केली. काळोख आसताना लेगीत चीनी नागरिकाक सोडवपाची कारवाय दर्यादेग राखणदार एएलएच आनी तटरक्षक एएस दमन हांणी केली.
चीनी नागरिकाच्या तारवा कडेन संपर्क सादलो. ह्या वेळार हें तारवटी अरबी दर्यांत २०० नॉटिकल मैल अंतराचेर आशिल्लें. गरजेचीं वखदां फोनाचेर सुचयलीं. हाचे उपरांत ताका विमानांतल्यान व्हेलो. ही कार्यवाही करपाक हेलिकॉप्टर एमके-III वापरले. ताका फुडल्या वैजकी उपचारा खातीर हॉस्पिटलांत दाखल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
