Prostitute, Hooker, Whore अशीं 40 उतरां हँडबुकांतल्यान उडयलीं काडून
भांगरभूंय | प्रतिनिधी
सर्वोच्च न्यायालयाचो म्हत्वाचो निर्णय
नवी दिल्ली, खबरां संस्था : सर्वोच्च न्यायालयान एक म्हत्वाचो निर्णय घेतला. Prostitute, Hooker, Whore, Keep, Mistress, Slut अशीं चाळीस उतरां आपल्या नव्या हँडबुकांतल्यान काडून उडयल्यांत. खंयच्याय न्यायालयांक निर्णय दितना फुडें हीं उतरां वापरपाक मेळचीं नात. फकत इंग्लीश उतरांच न्हय तर तांचे अर्थ, समान अर्थ आशिल्लीं उतरांय न्यायालयाच्या निर्णयांनी वापरपाक मेळचीं नात. अशा उतरांचो वापर करतकच लिंगीक पूर्वग्रह वाडचो न्हय आनी न्यायाधीशांनी आपल्या निर्णयांत संवेदनशीलताय दवरची म्हणून हें पावल उबारलां.
मुखेल न्यायाधीश डी. वाय. चंद्रचूड हांणी बिरेस्तारा सकाळीं ‘हँडबूक ऑफ कॉम्बॅटींग जेंडर स्टीरियोटायप्स’ हो नवो हँडबूक जाहीर केलो. त्या वेळार ताणें आदल्या न्यायालयाच्या निर्णयांत प्रचलीत आशिल्ल्या ह्या उतरांचेर टिप्पणी केली. हीं उतरां चुकीचीं आसात. न्यायालयाच्या निकालांत बायलां विशीं Prostitute (वेश्या), Concubine (रखेल) Hooker, Whore, Keep, Mistress, Slut हे शब्द वापरप म्हळ्यार तांचो अपमान. आतां जो नवो हँडबूक हाडला, तातुंतल्यान हीं उतरां काडल्यांत. ह्या हँडबुकाचो उद्देश आदल्या निर्णयांचेर टिका करप न्हय. आमी न्याय करतना नकळटां लैंगीक नेम कशे पाळ्ळ्यात. हें परत जावचें न्हय देखून हीं चाळीस उतरां भायर मारिल्ल्याचें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
