भांगरभूंय | प्रतिनिधी
शेतकाराची जिण ही मातये वयली. ताची जीण, ताचें पोट ताचो घराबो चलता फळटा तो फकत ह्या मातयेच्या आदारान. भारताक कृशी प्रधान देश म्हणटात आनी त्याच खातीर मातयेक एक खाशेलें म्हत्व आसा..
आमच्या जिवितान मातयेक एक आगळें वेगळें म्हत्व आसा. आमच्या देशाची माती आमकां व्हड. तिजें दायज व्हड. ही माती आसा म्हूण आमी आसात. जायत्या जिवांच्या जिविता खातीर माती ही गरजेची. झाडां आनी वनस्पत मातयेंतल्यान पोशण घेतात आनी आमकां फळां, फुलां, ऑक्सिजन, लाकूड दिवपाक सक्षम जातात. मनशाक आनी हेर जिवांक ह्यो गजाली गरजेच्यो. आमकां जाय तें सगळे आमकां ह्याच मातयेतल्यान मेळटा. “ मेरी देश की मिट्टी सोना उगले, उगले हिरे मोती, मेरी देश की मिट्टी.
शेतकाराची जिण ही मातये वयली. ताची जीण, ताचें पोट ताचो घराबो चलता फळटा तो फकत ह्या मातयेच्या आदारान. भारताक कृशी प्रधान देश म्हणटात आनी त्याच खातीर मातयेक एक खाशेलें म्हत्व आसा.. शेती फकत मातयेच्या आदारान करूं येता, जी आमच्या जिविता खातीर खूब गरजेची आसा. शेतवडी बगर मनशाक अन्न मेळना. अन्न मेळोवपा खातीर शेतवडी गरजेची. देखून मनशाची भूक शांत करपाक मातयेचो म्हत्वाचो वांटो आसा. जेवण रांदपा खातीर आनी जेवपा खातीर मातयेचीं आयदनां सगळ्यांत बरी मानतात. मागीर तरेतरेची आयदनां आयलीं आनी ह्या मातयेच्या आयदनाचो लोकांक विसर पडलो. पूण आता हळूहळू ह्या मातयेच्या आयदनाचें म्हत्व लोकांक कळून आयला. व्हडल्या व्हडल्या हॉटेलांनी ही आयदना वापरील्ली दिसून येतात. मटका बिर्यानी, मटका कुल्फी आनी जायते नग ह्या मातयेच्या आयदनांनी आमकां आजकाल खावंक मेळटा.
मातयेच्या पात्रांत शिजयल्ल्या जेवणांत पोशक तत्वां केन्नाच नश्ट जायनात आनी पुराय पोशक तत्व मनीस शोशून घेता. शार आसूं वा गांव आसूं, रान आसूं वा वाळवंटी आसूं, सगळे कडेन मातयेची भुमिका बरी आसता. खंयचेंच शार, गांव, रान, रेंव आदी सुवाती मातयेबगर कल्पना करप शक्य ना. मनीस जंय भोंवपाक वता, खेळपाक वा व्यायामाक वता आदी उद्यानां आनी बागो, तो दिसपट्ट्या जिणेंत जे रस्ते वापरता तेय मातयेचेर बांदतात.
आमी मातयेनूच जल्मल्यात आनी तातूंतच विलीन जातलीं हें आमच्या जिविताचें सत. आमी तें न्हयकारुंक शकना.
मातये बगर आमी ना
मातयेंत लिपलां खण, मातयेंत चलता घण
झाडांक आदार मातयेचो, दर एक कण
फुलयता जिण शेतकाराची, दरवळायता मन
मनोवची सुखा दिवाळी, मनोवया परबो सण
हीच ख्याती मातयेची, हीच जडणं घडण
मान दिवन आवयचो, उसक्यार तिच्या दर एक जण
तीच आमची आवय तीच आमची माता
तीच जननी तीच भाग्य विधाता
मेळून राखया तिका सगळी, तिची महती आगळी वेगळी
शिल्पा लाड
8411007204
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
