भांगरभूंय | प्रतिनिधी
गुडी पाड्डेंच्या दामोदर उच्च माध्यमीक स्कुलान खेळां आनी युवा वेव्हार खात्यान आयोजीत केल्ले 19 वर्सां पिराये सकयले चल्यांच्या झोन चार आंतर उच्च माध्यमीक पांवड्या वयले सॅपकटॅकरो सर्तीचें वस्तादपण जोडलें. सर्त केपेंतल्या बोरीमळ खेळां संकुलांतल्या इन्डोर स्टेडियमांत जाली.
खेळां शिक्षक जयकृष्ण नायक देसाय हांच्या मार्गदर्शनाखाला खेळपी दामोदर उच्च माध्यमिकान फायनलींत कुंकळ्ळीच्या कुंकळ्ळी युनायटेड उच्च माध्यमीक स्कुलाक 21-12, 21-12 अशा फरकांनी हारयलें.
ते पयलीं जाल्ले उपांत्यपुर्व लडतींत दामोदरान माशेंच्या एस एस आंगले उच्च माध्यमीक स्कुलाक 21-11, 21-15 फरकान हारयिल्लें. जाल्यार उपांत्य फेरयेंत एव्हीएमपीएस उच्च माध्यमिका आड 21-16 आनी 21-19 फरकान जैत जोडिल्लें.
सपनेश गांवकार, डॅनीस ओलिव्हेरा, सॅबिल फर्नांडीस, क्लियॉन फर्नांडीस आनी विझिटोन फर्नांडीस हांणी झोन चार चॅम्पियन दामोदर उच्च माध्यमीक स्कुलाचें प्रतिनिधित्व केलें. दामोदर उच्च माध्यमिकाचो पंगड आतां 21 ऑगस्टाक जावपी विभागीय पांवड्या वयले फायनलींत झोन तीन जैतिवंत आड नावेली इन्डोरांत खेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
