भांगरभूंय | प्रतिनिधी
भांगरभूंय । प्रतिनिधी
काणकोणः दाजी सोनावणे यादस्तीक ट्रस्टा वतीन हर्ष सोनावणे आनी घरच्यांनी पैंगीणच्या श्रद्धानंद विद्यालयांत आयोजीत केल्ले काणकोण तालुको बुद्दिबळ सर्तींत सुयश नायक गांवकारान वस्तादपण मेळयलें. ताणे 7तले 6.5 गुण मेळयले. सर्तींत 94 बुद्धिबळ खेळगड्यांनी वांटो घेतिल्लो.
शिवम रायकारान 6 गुणांनी दुसरी आनी सौरव कोमरपंतान तिसरी सुवात मेळयली. इनाम भेटवण कार्यावळीक मुखेल सोयरे म्हणून पैंगीण पंचायत मंडळाची सरपंच सविता तवडकार, उपसरपंच सुनील पैंगीणकार हाजीर आशिल्ले. हर्ष सोनावणे, राजेंद्र सोनावण, ट्रस्टाचो अध्यक्ष शरेंद्र नायक, सीटीसीए भांडारी विजू नायक गांवकार, स्वप्नील होबळे आनी तनिष्क कवळेकार ह्या वेळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
