भांगरभूंय | प्रतिनिधी
भांगरभूंय । प्रतिनिधी
म्हापशेंः छत्रपती शिवाजी म्हाराजांनी गोंयांतल्या देवळांची जतनाय करपा खातीर दिल्ल्या योगदानाक सलाम करपा खातीर तांच्या राज्याभिशेकाच्या 350व्या वर्सा निमतान राज्यांतल्या म्हापशें, पणजी, मडगांव, फोंडें आनी वास्को ह्या पांचा शारांनी सरकारी पांवड्यार शीव जयंती मनयतले अशी घोशणा पर्यटन मंत्री रोहन खवंटे हांणी केली.
म्हापशें शारांत सरकारी संकुलांत स्वातंत्र्य दिसा निमतान ध्वजारोहन केल्या उपरांत ते उलयताले. ह्या वेळार अतिरिक्त जिल्होधिकारी पुंडलीक खोर्जुवेकार, उपजिल्होधिकारी यशस्विनी बी, गुरुदास देसाय, मामलेदार प्रवीम गांवस, मामलेदार, पुलीस उपअधिक्षक जिवबा दळवी, निरीक्षक सीताकांत नायक आनी सरकारी अधिकारी तशेंच विद्यार्थी हाजीर आशिल्ले.
पर्यारवणाची राखण ही सगल्यांची जापसालदारी आसा. आपल्या भुरग्याच्या जल्मदिसा पालकांनी एक तरी रोप लावून तें वाडोवपाक जाय. पर्यटनाक उर्बां दिवपा खातीर सरकारान दर्या वेळांनी तरेकवार उपक्रम चालीक लायल्यात. तातूंत आध्यात्मीक, पर्यावरण, अंतराळ, साहस, योगा, भलायकी आनी कृशी पर्यटन हाचे कडेन आमचें चड लक्ष आसा. सरकार रोखडेंच वेलनेस, एग्रो टुरिझम आनी हेर धोरणा चालीक लायतोलो अशें खवंटे हांणी सांगलें.
ध्वजारोहण केल्या उपरांत रोहन खंवटे हांणे पुलीस आनी छात्रसैनिकां कडल्यान मानवंदना स्विकारली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
