इन्स्टाग्राम फाॅलोवर्स वाडिल्ल्याचो राग?
भांगरभूंय | प्रतिनिधी
भुरग्यां मुखार बापायन केलो आवयचो खून
भांगरभूंय । खबरां संस्था
लखनौ : उत्तर प्रदेशाच्या सुलतानपूर जिल्ह्यांतल्या सेऊर हांगां एके व्यक्तीन आपले बायलेचो गळो दामून जीव घेतलो. राहुल मिश्रा (37) अशें ताचें नांव. ताणें घरकान्न मोनिका (32) हिचो खून केलो. त्या वेळार दोनूय भुरगीं मुखार आशिल्लीं.
13 ऑगस्टाक रातचीं राहूल आनी मोनिका भुरग्यां वांगडा लखनौच्यान रायबरेलीक गेल्लीं. अचकीत राहूल गाडी घेवन दुसरेच दिकेन गेलो. वाटेर मुजेश चौका लागसार गाडी कुशीक घेवन दोगांय भुरग्यां मुखार ताणें गाडयेंतूच बायलेचो गळो दामलो.
खून केले उपरांत राहूल भुरग्यां वांगडा गाडयेनूच बसून रावलो. मजगतीं, थंयच्यान वचपी युपीडीएच्या गस्ती पंगडाक ह्या वाहनाचो दुबाव आयलो. तांणी दार उक्तें करपाक सांगलें. बऱ्याच वेळान ताणें दार उगतें केलें. तेन्ना मोनिकाची कूड गाडयेंत आसली.
12 वर्सां पिरायेची चली आनी पांच वर्सां पिरायेच्या पुतान बापायन आवयचो खून केल्ल्याची पुराय म्हायती पुलिसांक दिली. पुलिसांनी राहुलाक अटक केल्या, तर मोनिकाची कूड पोस्टमॉर्टमा खातीर धाडल्या. मोनिकाच्या बापायन राहुला आड पुलिशेंत कागाळ केल्या.
2008 त राहुलान रायबरेली जिल्ह्यांतले मोनिका वांगडां मोग करून लग्न केल्लें.
मोनिकाचो बापूय उमाशंकर हांणी पुलिसांक सांगलें, राहुलाक सुरवातेक सावनूच आपले धुवेच्या मोनिकाच्या चारित्र्याचेर दुबाव आशिल्लो. तिच्या वाडपी इंस्टाग्राम फॉओवर्सांक लागून तांचे मदीं झगडीं पेट्टालीं. ह्याच रागान राहुलान मोनिकाक मारून उडयल्ल्याचें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
