भांगरभूंय | प्रतिनिधी
भारताचो युवा ग्रॅण्ड मास्टर आर प्रज्ञानंदान संवसारीक बुद्दीबळ करंड सर्तीचे प्री-क्वॉर्टरफायनलींत सुवात मेळयली. ताणें संवसारीक क्रमवारींत दुसरे सुवातेर आशिल्ल्या अमेरिकेच्या हिकारू नाकामुराक हारोवन सगल्यांक अजापाचो धपको दिलो.
क्लासिकल प्रकारांतले दोनूय डाव बादाबाद उरल्या उपरांत निकाल लावपाक टायब्रेकराचो आदार घेवचो पडलो. हातूंत प्रज्ञानंदान म्हत्वाचें जैत जोडलें.
दुसरे फेरयेंत ताणें फ्रान्साच्या मॅक्सिम लागार्डाक हारयिल्लो. जाल्यार तिसरे फेरयेंत झेक प्रजासत्ताकाच्या डॅव्हिड नवारा आड जैत जोडिल्लें, तिसरे फेरयेंत ताणें नाकामुराचें आव्हान येसस्वी रितीन हुपलें. क्वॉर्टरफायनलींत प्रज्ञानंद हंगेरीच्या 38 वर्सां पिरायेच्या फेरेंक बर्केशी आड खेळटलो.
नाकामुरान आपल्या प्रर्शनाचेर खोशी ना. हारलो म्हणून आपूण बेजार जावंक ना. पयले गेमींत चाली रचपाक अपेशी थारलो. प्रज्ञानंदान योग्य खेळ केलो अशें नाकामुरान म्हणलें.
मजगतीं, विदीत गुजराथी आनी इरिगेसी अर्जुन हांणी लेगीत प्री-क्वॉर्टरफायनलींतली आपली सुवात निश्चीत केली. जाल्यार निहाल सरिनाचें आव्हान सोंपलें. बायलांच्या गटांत द्रोणावल्ली हरिकान फुडले फेरयेंत सुवात मेळयली. पूण, हम्पीचें आव्हान सोंपलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
