भांगरभूंय | प्रतिनिधी
बायलांचे संवसारीक फुटबॉल सर्तीचे सेमी फायनलींतले चारूय पंगड निश्चीत जाले. शुक्रारा जाल्ले दोन क्वॉर्टरफायनलींत स्विडन आनी स्पेन ह्या पंगडांनी जैत जोडिल्लें, जाल्यार काल येजमान ऑस्ट्रेलिया आनी इंग्लंड ह्या पंगडांनी जैत जोडून निमाण्या चारांतली सुवात निश्चीत केली.
ऑस्ट्रेलिया आनी फ्रान्स ह्या पंगडां मदीं जाल्ले तिसरे क्वॉर्टरफायनलींत उमळशीक वाडोवपी थारली. 90 मिनटांच्या खेळांत एकूय गोल जावंक नाशिल्ल्यान, अतिरिक्त वेळांत मॅच गेली. 30 मिनटांच्या खेळांत लेगीत गोल जावंक नाशिल्ल्यान अखेरेक पॅनल्टी शुटआवटाचो आदार घेवचो पडलो. शुटआवटांत ऑस्ट्रेलिया पंगडान 7-6 अशा फरकान जैत जोडलें.
चवथे क्वॉर्टरफायनलींत इंग्लंड पंगडान कोलंबिया पंगडाक 2-1 अशा फरकान हारोवन सेमींतली सुवात निश्चीत केली.
मजगतीं, शुक्रारा जाल्ले पयले सेमी फायनलींत स्विडनाच्या पंगडान आदलो वस्ताद जपान पंगडाक 2-1 असो हारयलो. जाल्यार दुसरे क्वॉर्टरफायनलींत स्पेनान नॅदरलॅण्डाचें आव्हान 2-1 फरकान सोंपयलें.
जपानान 2011त वस्तादपण जोडिल्लें. जाल्यार 2015त ताका उप वस्तादपणाचेर समाधान मानचें पडिल्लें. अंदूंचे सर्तींत लेगीत ताणें मुळाव्या पांवड्या वयल्या मॅचींनी उत्कृश्ट प्रदर्शन केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
