गुगल सर्चाचें आतां ‘Grammar Check’
भांगरभूंय | प्रतिनिधी
भांगरभूंय । खबरां संस्था
न्यूयाॅर्क : टेक कंपनी गुगलान हालींच आपल्या सर्च इंजिनांत ‘ग्रामर चेक’ हें फीचर जोडलां. ताचे मजतीन वापरकर्ते खंयच्या वाक्याचें व्याकरण तपासपाक शकतात. मात, सध्या ही सुविधा फक्त इंग्लीश भाशे पुरती मर्यादीत आसा.
फुडल्या वर्सभरा भितर गुगल हेर भाशां खातीरुय हें फीचर रोलआउट करपाक शकता. ग्रामर चेकाचें खाशेलेंपण म्हणल्यार एखादें वाक्य बरोबर बरयलां काय ना वा तें कशें बरोवपाचें हें तपासता. हें फिचर वापरपाक, खंयचेंय वाक्य बरयतकच पूर्णविराम दियात. मागीर मुखार Grammar Check, Check Grammar वा Grammar Checker बरयात आनी सोदात.
वाक्यांत चूक ना जाल्यार व्याकरण तपासणी विभागांत पाचवी खूण दिसतली. चूक आसल्यार ग्रामर चेक योग्य वाक्य सांगतलो. गुगलान एका ब्लॉग पोस्टा वरवीं कळयलां की, ‘एआय’चो वापर भाशेचें विश्लेशण करपाक आनी व्याकरण सुदारपाक करतात. ताची सुचोवणी 100% अचूक आसपाक शकना. अर्दकुट्या वाक्यांचे बाबतींत हें घडटा. कांयवेळार हें टूल सक्रिय नासता.
वापरपी व्याकरण तपासणेच्या निकाला विशीं मत दिवपाक शकतात. तशेंच कागाळूय करूं शकतात.
कशें सोदप?
पयलीं गुगल सर्चांत वाक्य मारात. मागीर “grammar check”, “check grammar” वा “grammar checker” मारात आनी एंटर बटन दाबात. सर्च बारा सकयल ग्रामर चेक अशें येतलें. थंय वाक्य सारकें आसल्यार पाचवो चेक मार्क येतलो. चुकल्यार चूक बोल्ड अक्षरांत येतली आनी वाक्य कशें बरोवप तें दिसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
