भांगरभूंय | प्रतिनिधी
हांव लेखक न्हय, पूण म्हजे विचार कागदाचेर बरोवपाची उमळशीक म्हाका खूब काळा सावन लागल्या. ताका कारण थारलें, हालींच जाल्लो दोतोर दीस.
जशें दोतोर हो दुयेंती आनी तांच्या नात्यांतल्या लोकां खातीर देवदूत.. तसो दोतोराचो वेवसाय हो एक समर्पीत वेवसाय. समाजसेवेचो वसो घेतिल्ले, कायम व्यस्त आशिल्ले, दुयेंतीन उलो मारल्यार रातीं-अपरातीं धांवून वचपी दोतोर समाजीक कार्या खातीर तत्पर आसतात.
वैजकी वेवसाय हो संवसारांतलो एक वेवसाय जातूंत सेवा सगळ्यांत म्हत्वाची. घडये हाकाच लागून आमी तांकां धर्तरे वयले देव म्हणटात. आमची वैयक्तीक जापसालदारकी, नातें आनी स्वताचें सुख बळी दिवन दोतोर आमची सेवा करतात. डॉ. रमेश दोड्डनावर आनी डॉ. सावित्री दोड्डनावर हांणी आपल्या डेक्कन मेडिकल सेंटर मल्टीस्पेशियलिटी हॉस्पिटलांतल्यान दुयेंतींची जतनाय घेवपाचें समाजीक पर्यावरणाचें दायज सांबाळ्ळा. गांवगिऱ्या वाठारांनी भलायकी सुविधांचो उणाव आमकां सदांच दिसता. पूण गांवगिऱ्या वाठारांतल्या भलायकी सुविधांची जाणविकाय करून डॉ. रमेश आनी डॉ. सावित्री दोड्डनावर हांणी गांवगिऱ्या वाठारांतल्या लोकांच्या भलायके खातीर केल्लें कार्य हें मार्गदर्शक थारलां.
फाटभूंय
डेक्कन मेडिकल सेंटर हें डॉ. रमेश आनी डॉ. सावित्री दोड्डनावर हांची मनाची उपज. हें हिंदवाडींतल्या एका ल्हान क्लिनिकांत सुरू जाली आनी ल्हवू ल्हवू ह्या सेंटरान एक उत्कृश्ट क्लिनीक म्हणून नामना मेळयली. देखूनच 2000 त तांणी विस्वासाची उडी मारपाचें थारायलें आनी बेळगांवां डेक्कन मेडिकल सेंटराची स्थापना जाली. भव्य इमारतींतल्यान सगळ्या तरांच्या वैजकी सुविधां खातीर जागो तयार जालो, जो शारांतल्या आनी गांवगिऱ्या वाठारांतल्या दुयेंतींक वरदान थारला. आयज, डेक्कन मेडिकल सेंटर आपल्या दोतोरांच्या तज्ञ पंगडाचेर आदारून आशिल्ल्या दुयेंतींक उत्कृश्ट भलायकी जतनाय दिवपाक मुखार आसा.
विवीध सुविधा
दवाखानो, पॅथोलॅब, अल्ट्रासाऊंड सुविधा, क्ष-किरण, हृदयविकार लॅब, प्रसूती, एन्डोकॉप, डिसोथेरपी, कार्डियक एम्ब्युलन्स, आयसीयू, दोन पुराय सुसज्ज ऑपरेशन थिएटर, नितळ डिलक्स रूम, तज्ञ वर्ग, हॉस्पिटलांक दादले, बायलां खातीर वेगवेगळे वॉर्ड, पुराय सुसज्ज कॅन्टीन ह्यो सुविधा हांगा मेळटात. हाचे भायर दुयेंतींक कॅशलेस सेवा दितात. फुडल्या काळांत डेक्कन मेडिकल सेंटर बेळगावींतलें एक मल्टीस्पेशल हॉस्पिटल जावन सगळ्या थरांतल्या लोकांक वैजकी सेवा दिवपाची आस्त बाळगिता.
– संतोष कांबळे,
प्रशासक, डेक्कन मेडिकल सेंटर, बेळगांवी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
