भांगरभूंय | प्रतिनिधी
भांगरभूंय । प्रतिनिधी
काणकोणः देशाच्या स्वातंत्र्याच्या अमृत महोत्सवी वर्साच्या कार्यावळीचो समारोप सुवाळ्याचो एक वांटो म्हणून केंद्र सरकारा वतीन आयोजीत अमृत कलश कार्यावळ बिरेस्तारा काणकोण नगरपालिके वतीन चार रस्तो काणकोण हांच्या श्री मल्लिकार्जुन विद्यालयांत जाली. ह्या वेळार काणकोण पालिकेच्या बाराय वॉर्डांतली माती हाडून ती एका कलशांत घातली. तशेंच देशाच्या अमृत महोत्सवी वर्साचो समारोप जाता म्हणून 75 पणट्यो पेटयल्यो.
ह्या वेळार नगराध्यक्ष रमाकांत नायक गांवकार, उपनगराध्यक्ष नादीन फ़र्नाडीस, नगरसेवक धीरज नायक गांवकार, सायमन रेबेलो, हेमंत नायक गांवकार, नीतू देसाय, सारा देसाय, अमिता पागी, लक्ष्मण पागी, शुभम कोमरपंत, उपजिल्होधिका-याच्या कार्यालयांतलो अधिकारी प्रमोद नायक गांवकार, गायत्री देसाय, भाजपा काणकोण मंडळाचो अध्यक्ष विशाल देसाय, सचीव दिवाकर पागी, निवृत्त शिक्षक प्रमोद राणे, आर.बी.एस .कोमरपंत ,मुख्याध्यापिका वर्षा नायक गांवकार, दिपा देसाय, प्राचार्य विहार देसाय, विद्यालयांतले विद्यार्थी आनी नागरीक हाजीर आशिल्ले.
शुक्रारा (11 ऑगस्ट) सकाळीं 10 वरांचेर चावडे वयल्या पोरणे बसस्टॅण्डा कडेन देशभक्ती गीत गायन सर्त जातली. 15 ऑगस्टाक पालिका वाठारांतले सुटके झुजारी आनी तांच्या भुरग्यांचो पालिके वतीन भोवमान करतले. अमृत कलशांत घातिल्ली माती दिल्ली हांगा व्हरून दितले तशेंच 75 रोपे पालिका वाठारांत लायतले अशी म्हायती नगराध्यक्ष रमाकांत नायक गांवकार हाणे दिली. प्रेसी फर्नांडीस हिणे हजर आशिल्ल्यांक सोपूत दिलो. कार्यावळीचें सूत्रसंचालन नम्रता देसाय हिणे केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
