फिटनेसा खातीर व्यायाम गरजेचो
भांगरभूंय | प्रतिनिधी
हालींसराक व्यस्त दिसपट्टे जिणेंत भलायकेची जतनाय घेवपाक सगळेच विसरतात. फिटनेस सगळ्यांक जाय पूण व्यायाम करपाक कोणाक नाका. तशेंच आतांच्या तरणाट्या मदीं जंक फूड खावपाचें प्रमाण बरेंच वाडिल्लें दिसता. फिटनेस जाय तर नेमान व्यायाम करप गरजेचें. तेच बरोबर डायटिंग करप, (म्हळ्यार उपाशी रावप न्हय) संतुळीत आहार घेवप गरजेचें. वेळार व्यायाम आनी वेळार जेवण करपाक जाय. देखून आमकां जाय तितली कॅलरीज मेळटात आनी ताचो बरो परिणाम काळजाचेरूय जाता. देखून काळजाची आनी वजनाची समस्या उप्रासना.
व्यायामा वांगडाच योग केल्यार तांक वाडटली. तुमकां घटमूट कुड, बरो शेप जाय जाल्यार नेमान व्यायाम करपाची गरज आसा. वजन उणें करपा खातीर कॅलरीज आनी चरबी उणी आशिल्लो आहार घेवप गरजेचें.
फिटनेसा खातीर अशी घेयात जतनाय
- सॅंडविच टोस्टराचेर उणें बटर वापरचें. कारण ताका लागून चरबी वाडटा.
- सॅलडाचेर क्रिमी बदला लिंबू वापरचो.
- हॉटेलांतल्या जेवणांत फँट्स चड आसता. देखून शक्य तितले भायले खावप टाळचें. जेवण तशेंच तेलकट, मसाल्याचीं खाणां. देखीक चिकन शोर्मा, सामोसा, रस्सा आॅम्लेट, मिरची- पाव, वडा – पाव.
- अँरोबिक व्यायामाक लागून वजन बेगीन उणें जाता आनी मांस पेशी घट जातात. हाका लागून कुडीचें वजन वाडटा. देखून योग्य विचार करून संतुळीत आहार घेवचो. जाका लागून वजन उणें जाता. हे प्रक्रियेक जायते दीस लागतात, पूण कुडीक योग्य आकार मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
