फातरार हात मारल्यार डमरुचो आवाज
भांगरभूंय | प्रतिनिधी
भारतांत जायत्यो अश्यो सुवाती आसात, जाचीं गुपितां आयज मेरेन भायर सरूंक नात. ह्या गुपितांक लागून ह्यो सुवाती लोकां मदींय प्रीय आसात. हिमाचल प्रदेशांतलें जटोला शिव मंदीर हें ह्या थळां मदलें एक जावन आसा. जाचें गुपीत अजून उक्तें जावंक ना.
हें देवूळ सोलन गांवांत आसा. देशाच्या सगळ्या कोनशांतल्यान लोक ह्या देवळाक भेट दिवपाक येतात. आशियांतल्या सगळ्यांत ऊंच देवळां मदलें हें देवूळ अशें म्हण्टात. देवळा भितर स्फटिकाचें शिवलींग आसा. वयल्या भागांत 11 फूट उंच भांगराचो कळस बसयला.
ह्या देवळांतल्या फातराचेर हात मारल्यार डमरूचो आवाज येता, अशें म्हण्टात. द्रवीड शैलींत बांदिल्लें हें देवूळ सुमार 111 फूट उंचायेचें आसा. भगवान शिव स्वता हांगा आयल्ले, अशें लोक मानतात.
ह्या देवळाची बुन्याद 1974 वर्सा घाल्ली. करोडांनी रुपया खर्चून बांदिल्लें हें देवूळ पुराय जावपाक 39 वर्सां लागलीं. देश- विदेशांतल्या भाविकांनी दिल्ल्या पयशांतल्यान हें देवूळ उबारलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
