समृद्धी म्हामार्गाचेर परत अपघात
भांगरभूंय | प्रतिनिधी
17 कामगारांक मरण
भांगरभूंय । खबरां संस्था
मुंबय : शहापूर, ठाणेच्या समृद्धी म्हामार्गाचेर रातच्या वेळार क्रेन कोसळून जाल्ल्या अपघातांत 17 कामगारांक मरण आयिल्ल्याची म्हायती मेळ्ळ्या. ह्या अपघातांत तीग जाण जखमी जाल्यात. तशेंच राशी सकयल आनी कामगार आडखळून उरिल्ल्याचो भंय उक्तायला.
राष्ट्रीय आपत्ती प्रतिसाद दळाचे दोन पंगड घडणुके सुवातेर मजत करपाचें काम करतात.
मेळिल्ले म्हायती प्रमाण, गर्डर मशीनाक जोडपी क्रेन आनी स्लॅब वट्ट शंभर फूट उंचाये वयल्यान मजुरांचेर कोसळ्ळो. 17 कुडी हॉस्पिटलांत हाडल्यात. तीन ते चार जाण जखमी आशिल्ल्यान तांचेर उपचार सुरू आसा. मरण आयिल्ल्यांचो आंकडो आनीक वाडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
