भांगरभूंय | प्रतिनिधी
भारतीय बायलांच्या क्रिकेट पंगडाची मुखेली हरमनप्रीत कौराक क्रिकेट मॅची वेळार रागान विकेट मोडप म्हारग पडली. आयसीसीन तिचेर दोन मॅचींची बंदी घाल्या. बांगलादेशा आडचे तिसरे वन डे मॅची वेळार बाद जाल्या उपरांत हरमनप्रीत कौरान बॅट विकेटीचेर मारलें. हाचे फाटलें कारण म्हणल्यार ती अंपायराच्या निर्णयाचेर बेजार आशिल्ली. तशेंच मॅच सोंपल्या उपरांत करंडा वांगडा फोटो खातीर पोझ दितना तिणें अंपायरांक लेगीत आपोवपाक सांगलें. अंपायरांक लागून मॅच टाय उरली अशें तिचें म्हणणें आशिल्लें.
आयसीसीन दोन वेगळ्यावेगळ्या प्रकरणांत हरमनप्रीताक दोशी थारायल्या. बांगलादेशा आडचे माळे उपरांत भारत थेट आशियायी खेळां सर्तींत खेळटलो. पूण, हरमनप्रीताक पयल्यो दोन मॅची चुकतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
