भांगरभूंय | प्रतिनिधी
भांगरभूंय । खबरां संस्था
माॅस्को : रशियेंत लिंगबदल शस्त्रक्रियांचेर बंदी घालपी कायद्यार अध्यक्ष व्लादिमीर पुतीन हांणी सय केली. ह्या कायद्याक लागून आता रशियेंत लोकांक लिंग बदलपाचे नदरेन कसलेच तरेची शस्त्रक्रिया करपाक मेळची ना. रशियेंतल्या संसदेच्या दोनूय सभाघरांनी भोवमतान हो अधिनेम मंजूर जालो. एलजीबीटी चळवळेक हो व्हडलो धपको मानतात.
ह्या नव्या कायद्याक लागून रशियेंतल्या खंयच्याच मनशाक लिंग बदलपाची शस्त्रक्रिया करपाक मेळची ना. तशेंच लिंग बदलिल्ल्या जोडप्यांचें लग्नय रद्द करतले. तशेंच ट्रांसजेंडर पालकांक भुरगीं पोसकीं (दत्तक) घेवंक मेळचीं नात.
जर भुरग्या मदीं लिंगा विशीं जल्माक सावन कांय नोत आसा वा ज्या भुरग्यांक वैजकी उपचारांची गरज आसा अश्या शस्त्रक्रियांक मात परवानगी दिल्या.
मजगतीं, रशियेंत एलजीबीटीचें समर्थन करपी पुस्तकां, सोशल मिडिया, टीव्ही, दिसाळ्यांतल्या साहित्याचेरुय पुरायपणान बंदी घाल्या. 2013 वर्सा रशियेन नेण्ट्या भुरग्यां मदल्या अपारंपारीक शारिरीक संबंदांक भौशीक मान्यताय दिवपाचेर बंदी घाल्ली. मागीर 2020 वर्सा तांचे मदले सुरक्षीत शरिरीक संबंदूय बेकायदेशीर थारायिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
