अयान, साक्षी हांकां एकोड्या गटांत वस्तादपण

भांगरभूंय | प्रतिनिधी

बीपीएस स्पोर्ट्स क्लबाच्या राज्य मानांकन बॅडमिंटन सर्तींत अयान शेख आनी के साक्षी हांणी वळेरेन दादल्यांच्या आनी बायलांच्या एकोड्या गटांतलें वस्तादपण जोडलें. सर्त नावेलीच्या मनोहर पर्रीकार इन्डोर स्टेडियमांत जाली.

अयानान दादल्यांच्या एकोड्या गटांतले फायनलींत निशांत शेणवी हाका 21-19 आनी 28-26 अशा फरकान हारयलो. बायलांच्या एकोड्या गटांत पयली मानांकीत खेळगडी जान्हवी महाले हिका फायनल चालू आसतना दुखापत जाली आनी तिणें मॅच सोडून दिली, ताका लागून के साक्षीक वस्तादपण फावो जालें. पयले गेमींत साक्षी 14-8 अशी मुखार आशिल्ली. साक्षीन 17 वर्सां पिराये सकयल्या आनी 17 वर्सां पिराये सकल्या मिश्र गटांत लेगीत वस्तादपण जोडलें.

गोंय बॅडमिंटन असोसिएशन, गोंय खेळां प्राधिकरण आनी दक्षीण गोंय जिल्हो बॅडमिंटन असोसिएशनाच्या सहकार्यान घेतिल्ली ही सर्त पश्चीम विभागीय आनी राष्ट्रीय सर्त निवड चांचणींतली एक आशिल्ली.

सविस्तर निकालः

(दादल्यां एकोडो गट)ः अयान शेख जैत आड निशांत शेणवी 21-19, 28-26, (बायलांचो एकोडो गट)ः के साक्षी जैत आड जान्हवी महाले 14-8 (जखमी निवृत्त),

(दादल्यां दोट्टी गट)ः अर्जुन फळारी आनी तेजन फळारी जैत आड पराग चौहान आनी सुशील नायक 21-15, 21-14, (मिश्र दोट्टी गट)ः तेजन फळारी आनी लिडिया बार्रेटो जैत आड आर्यमान सराफ आनी निधी देसाय 21-19 आनी 21-14.

(अण्डर 11 गट)ः (चल्यांचो एकोडो गट)-मायकल मारे जैत आड नील पंजानी बक्षी 150-13, 15-7, (चलयांचो एकोडो गट)ः अवनी ख्यालिया जैत आड प्रग्या अवदी 15-6, 15-3.

(अण्डर 13 गट)ः (चल्यांचो एकोडो गट)- स्पर्श कोलवाळकार जैत आड अंश चौरासिया 25-27, 21-15, 21-6, (चलयां एकोडो गट)-आर्या मेत्री जैत आड अनाया कामत 15-21, 14-16, 20-18, (चल्यां दोट्टी गट)-अर्णव सराफ आनी स्पर्श कोलवाळकार जैत आड अंश चौरासिया आनी लिनेश विर्नोडकार 23-25, 21-17, 21-16, (चलयां दोट्टी गट)-आर्या मेत्री आनी डिंपल रेवणकार जैत आड निहारिका परवार आनी पलक रामनाथकार 21-7, 21-12.

(अण्डर 15 पिराय गट)ः (चल्यां एकोडो गट)-आरुष पावसकार जैत आड अद्वैत बाळकृष्णन 21-9, 21-14, (चलयां एकोडो गट)-रितिका चेल्लरी जैत आड शिवांजली थिटे 21-19, 10-21 आनी 21-17, (चल्यां दोट्टी गट)-आरुष पावसकार आनी अद्वैत बाळकृष्णन जैत आड ऋषी पै खोत आनी वेद शेटये 21-18, 21-14, (चलयां दोट्टी गट)-शिवांजली थिटे आनी सुफिया शेख जैत आड ईशा बोरकार आनी ज्वेल अब्रांचीस 21-10, 21-8, (मिश्र दोट्टी गट)-अद्वैत बाळकृष्णन आनी रितिका चेल्लुरी जैत आड शेन डिसौझा आनी सान्वी अवदी 21-8, 21-9.

(अण्डर 19 पिराय गट)ः (चल्यां एकोडो गट)- हर्ष माने जैत आड यश देसाय 21-18, 21-17, (चलयां एकोडो गट)-के साक्षी जैत आड रितिका चेल्लुरी 21-12, 21-6, (चल्यां दोट्टी गट)-हर्ष माने आनी सी के शाहीन जैत आड अर्जुन भगत आनी यश देसाय 21-18 आनी 21-19, (चलयां दोट्टी गट)-श्रेया मेहता आनी सौम्या देशपांडे जैत आड आद्या चौरासिया आनी लक्षिता सावळ 21-12, 21-14, (मिश्र दोट्टी गट)-सी के शाहीन आनी के साक्षी जैत आड युसुफ शेख आनी सुफिया शेख 21-10, 21-23 आनी 21-10.

(अण्डर 19 पिराये गट)ः (चल्यां एकोडो गट)- अर्जन भगत जैत आड पार्थ जोशी 21-10, 21-16, (चलयां एकोडो गट)-साक्षी जैत आड ट्विंकल सुल्लद 21-13, 14-0 (जखमी निवृत्त) (चल्यां दोट्टी गट)-अश्मीत पार्सेंकार आनी यश देसाय जैत आड पार्थ जोशी आनी श्रीजय नायक 21-14, 21-19, (चलयां दोट्टी गट)-निधी देसाय आनी रिया हळदणकार जैत आड मलिका लोबो आनी सिन्नोव्हिया डिसौझा 21-15, 21-17.