भांगरभूंय | प्रतिनिधी
खबरां संस्था
पोर्ट ऑफ स्पेनः भारता आडचे दुसरे टॅस्ट मॅचींत वेस्ट इंडिजाचो पयलो डाव 255 धांवड्यांत सोपलो आनी भारताक 183 धांवड्यांची आघाडी मेळ्ळी. भारताचो फास्ट बॉलर मोहम्मद सिराजान 60 धांवड्यो दिवन 5 विकेटी घेतल्यो. भारतान आपल्या दुसऱ्या डावांत निमाणी मेळिल्ले म्हायती प्रमाण धांवड्यो केल्यात.
आक्रमक खेळ करून धांवड्यो वाडोवपाचें टी-20 भशेन बॅजबॉल तंत्रान खेळपाचो डाव वेस्ट इंडिजाच्या खेळगड्यांक भुजलो आनी 115.4 ओव्हरींत तांचो डाव गडगडलो. एलीक एथनाजाक दिसाचे पयलेच मुकेश कुमारान एलबीडब्ल्यू केलो. ताणे 37 धांवड्यो केल्यो. ते उपरांत मोहम्मद सिराजान निमाण्यो चार विकेटी घेतल्यो. तिसऱ्या दिसा तांणे एक विकेट घेतल्ली. जेसन होल्डरान 15, अल्जारी जोसेफ आनी केमार रोचान दरेकी 4 धांवड्यो केल्यो. शॅन गाब्रियल शून्याचेर आवट जालो.
यशस्वी जयस्वाल आनी कॅप्टन रोहीत शर्मान भारता वतीन 98 धांवड्यांची सलामी दिली. रोहितान दुसऱ्या डावांतूय अर्द शेंकडो केलो. 44 बॉलांत 5 चौके आनी 3 सक्यांनी ताणे 57 धांवड्यो केल्यो. गाब्रियलाच्या बॉलर अल्झारी जोसेफान ताका कॅच आवट केलें. रोहीत आवट जातगीर पावसाक लागून खेळ थांबोवचो पडलो तेन्ना यशस्वी (37) आनी शुभमन गील (0) खेळटाले. भारतान दुसऱ्या डावांत 12 ओव्हरींत 98 धांवड्यो केल्यो. तांची वट्ट आघाडी आतां 281 जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
