भांगरभूंय | प्रतिनिधी
खेळां आनी युवा वेव्हार संचालनालयाच्या 19 वर्सां पिराये सकयले बुद्दीबळ सर्तींत जीव्हीएम एसएनजेए उच्च माध्यमिकान आनी मडगांवच्या श्री दामोदर उच्च माध्यमीक विद्यालय हांणी वळेरेन चल्यांच्या आनी चलयांच्या गटांत वस्तादपण जोडलें.
चल्यांच्या गटांत जीव्हीएमान वस्तादपणाची हॅट्रीक केली. सर्त मिरामारच्या यूथ हॉस्टेलांत आयोजीत केल्ली. जीव्हीएमान फायनलींत कुजिराच्या मुष्ठिफंड उच्च माध्यमीक विद्यालयाक 3-1 फरकान हारयलें. म्हापशेंच्या सेंट झेवियर्स उच्च माध्यमीक विद्यालयाक तिसरी सुवात फावो जाली.
चलयांच्या गटांतले फायनलींत श्री दामोदर उच्च माध्यमीक विद्यालयान दिवचलच्या श्री शांतादुर्गा उच्च माध्यमीक विद्यालयाक 3-1 अशें हारयलें. पणजीच्या डॉन बॉस्को उच्च माध्यमीक विद्यालयाक तिसरी सुवात फावो जाली.
इनामां भेटवण सुवाळ्याक खेळां आनी युवा वेव्हार खात्याचे सहाय्यक संचालक नीलम मयेंकार, विभागीय खेळां आयोजक संजय शिरोडकार, सर्तीचे मुख्य आर्बिटर दत्ताराम पिंगे आनी राज्य पांवड्या वयले खेळां आयोजक अनंत सावळ उपस्थीत आशिल्ले.
जीव्हीएमाच्या जैतिवंत पंगडांत यश उपाध्ये, सुयश पै, मधुराज राणे, महम्मद मोमिन, तन्वेश गावडे हांचो आस्पाव आशिल्लो. जाल्यार श्री दामोदर उच्च माध्यमिकाचे चलयांच्या पंगडांत लुसिया डायस, एेश्वर्या नायक, सान्वी नायक गांवकार, आश्वी देसाय, वृत्तिका नायक गांवकार हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
