भांगरभूंय | प्रतिनिधी
भांगरभूंय । खबरां मेज
पणजीः प्रदेश भाजपा अध्यक्ष सदानंद शेट तानावडे हांची राज्यसभा खासदार म्हणून बिनविरोध निवड जाल्ले खातीर कुडतरी मतदारसंघांतल्या भाजपाच्या वेगवेगळ्या समितींच्या पदाधिकाऱ्यांनी भाजपाच्या पणजेच्या मुख्यालयांत येवंन तांचो भोवमान केलो. तातूंत कुडतरी भाजपा एसटी मोर्चा फुडारी अँथनी बार्बोझा, गोंय महिला मोर्चा उपाध्यक्ष डॉ स्नेहा भागवत, भाजपा मंडळ अध्यक्ष नीळकंठ एकावडे, कुडतरी भाजपा महिला मोर्चा अध्यक्ष बबिता बोरकार, युवा मार्चा सरचिटणीस हर्ष फडटे, रायचे आदले सरपंच आनी सध्याचो पंच वांगडी झेवियर फर्नांडीस हाचो आसपाव आशिल्लो.
निसुवार्थी भावनेत फाटल्या जाय त्या वर्सा सावन समर्पणाच्या भावनेन गोंयांत पक्ष वाडोवपा खातीर केल्ल्या वावराचो सदानंद शेट तानावडे हांका खासदारकीच्या रुपान इनाम मेळ्ळां. प्रदेश भाजपा म्हणून तांच्या फुडारपणा खाला भाजपान सगल्यो वेंचणुको भोवमतान जिखल्यात अशें अँथनी बार्बोझा हांणे सांगलें.
पक्षाच्या वावुरप्यांक पक्षाचो गोंयांतलो वावर वाडोवपाक ते उर्बां दित आयल्यात अशें डॉ स्नेहा भागवतान सांगलें. झेवियर फर्नांडीस हांणी सदानंद शेट तानावडे हांचो पक्षाच्या बारीकसारीक वावुरप्या कडेन आशिल्ल्या खातीर तांची तोखणाय केली. तांणी पक्षाक सध्या जे सुवातेर पावयला ते खातीर तांकां पर्बीं भावो जातात अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
