भांगरभूंय | प्रतिनिधी
खबरां संस्था
नवी दिल्लीः दिल्लींतल्या सावथ एव्हेन्यू न्यायालयान बायल कुस्तीगीरांच्या लिंगींक छळवणुकेचो आरोप आशिल्ल्या भारतीय कुस्ती म्हासंघाचो आदलो अध्यक्ष ब्रिजभूषण शरण सिंग आनी सहाय्यक सचीव विनोद तोमर सिंह हांका दरेकी 25 हजार रुपयांचे वैयक्कीक हमीचेर नियमीत जामीन दिला. फुडली सुनावणी 28 जुलयाक दवोरल्या.
ब्रिजभूषणाक जामीन दितना न्यायालयांक कांय अटी घातल्यात. न्यायालयाच्या आदेशा बगर देश सोडप ना, साक्षिदारांचेर प्रत्यक्ष वा अप्रत्यक्षपणान चेंपण हाडप ना अशें ताका सांगलां. पिडेस्त बायल कुस्तीगीरांच्या वकिलान जामिनाक विरोध केलो ब्रिजभूषम खासदार आशिल्ल्यान ताचें राजकी वजन आसा. साक्षिदारांचेर तो प्रभाव घालपाक शकता असो युक्तिवाद ताणे केलो. ब्रिजभूषणान आतां मेरेन कोणाचेर कसलेंच चेंपण हाडूं ना अशें ताच्या वकिलान सांगलें.
ब्रिजभूषण आनी विनोद तोमराक 28 जुलयाक न्यायालयात अंतरीम जामीन दिल्लो. ब्रिजभूषणाचेर 6 सान बायल कुस्तीगीरांची लिंगीण शोशण केल्ल्याचो आरोप आसा. पुलिसानी ताचे आड आरोपपत्र दाखल केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
