भांगरभूंय | प्रतिनिधी
खबरां संस्था
कराचीः आशिया करंड 2023 सर्तीचें वेळापत्रक जाहीर जाल्या उपरांत पाकिस्तान क्रिकेट बोर्डान (पीसीबी) बुधवारा जाल्ले एके खाशेल कार्यावळींत आशिया करंडाचें अनावरण केलें. आशिया करंड सर्तीचें येजमानपद पाकिस्ताना कडेन आशिल्ल्यान तांणी हें अनावरण केलां. ह्या वेळार आदले क्रिकेटीयर मोहम्मद हाफीज आनी फास्ट बॉलर वहाब रियाझ हाजीर आशिल्ले.
पीसीबी वेवस्थापन समितीचो अध्यक्ष झका अश्रफ हाणे करंडाच्या अनावरणा खातीर खोश उक्तायल्या. जायत्या दिसा सावन क्रिकेट मोगी हाची वाट पळयताले. सर्त येसस्वी करपा खातीर कसलीच कसर सोडचे ना. पाकिस्तान 15 वर्सां उपरांत आशिया करंड सर्तीचें आयोजन करता ही सामकी खोशयेची गजाल आसा अशें ताणे सांगलें.
19 जुलयाक आशिया सर्तीचें वेळापत्रक जाहीर केलें. 6 पंगड तातूंत वांटेकार जातले. 3-3 पंगडाचे दोन गट तयार केल्यात. भारत, पाकिस्तान आनी नेपाळ अ गटांत जाल्यार बांगलादेश, श्रीलंका आनी अफगाणिस्तान ब गटांत आसात. ही सर्त अदूं 50 ओव्हरीच्या फॉरमॅटींत खेळयतले. ही सर्त वन-डे संवसारीक करंड सर्ती खातीर तयारी करपा खातीर आशिया खंडांतल्या क्रिकेट पंगडांक एक व्हडली माची आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
