शाॅक लागून 15 जणांक मरण
भांगरभूंय | प्रतिनिधी
भांगरभूंय । खबरां संस्था
चमोली ः उत्तराखंडांतल्या चमोलींत बुधवारा ट्रान्सफॉर्मराच्या स्फोटाक लागून लायटीचो शाॅक लागलो…. आनी 15 जाणांक मरण आयलें. जाल्यार जायते जाण जखमी जाल्यात. हो स्फोट अलकनंदा न्हंये लागसार जालो. ते उपरांत थंय वीज प्रवाह देंवलो आनी ताचो परिणाम जायत्या जाणांक भोगचो पडलो.
पुलिसांनी दिल्ले म्हायती प्रमाण, दुर्घटना जाल्ले सुवातेर लोखणाच्या कुशींत वीजेचो प्रवाह देंवलो आनी ताचो धक्को लागून जायत्या जाणांक मरण आयलें. ते भायर नमामी गंगे प्रकल्पा खाला एका जाग्यार काम सुरू आशिल्ले, थंय अचकीत वीज प्रवाह पातळ्ळो आनी तातूंत कांय जाणांक मरण आयलें. हे घडणुकेंत 1 पुलीस आनी 2 होमगार्ड लेगीत जखमी जाल्यात, तर दुसरे वटेन उत्तराखंड डीजीपी अशोक कुमार हांणी आतां मेरेन 10 जाणांक मरण आयलां अशें सांगलें.
न्हंयचे देगेर एक कूड पडिल्ली. कांय जाण ती पळोवपाक गेल्ले तेन्ना तांकांय लायटीचो शाॅक लागलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
