भांगरभूंय | प्रतिनिधी
भांगरभूंय । प्रतिनिधी
दिवचलः मुळगांव -अस्नोडें हांगच्या ज्ञानप्रकाश उच्च माध्यमीक विद्यालयाचो संस्थापक दीस सांस्कृतीक कार्यावळीनी मनयलो. ह्या वेळार माचयेर संस्थेची अध्यक्ष प्रिया पांडुरंग राऊत, वेवस्थापक अरविंद कुरी, प्रेमानंद चुडे देसाय ,प्राचार्य लक्ष्मीकांत परब, संस्थेचे वांगडी हनुमंत पाडेलकार,पूजा कुरी ,विद्यार्थी मंडळाचे पदाधिकारी आनी शिक्षक हाजीर आशिल्ले.
शिक्षण ही एक चलंत उरपी प्रक्रिया आसा. ते खातीर विद्यार्थ्यांनी धडपड करीर रावपाक जाय. संस्थेचे आदले अध्यक्ष आनी आदले मंत्री पांडुरंग राऊत हांणे गांवगिऱ्या वाठारांत ही शिक्षणीक संस्था सुरू करून भुरग्यांची आनी पालकांची बरी वेवस्था करून दवोरल्या अशें प्रेमानंद चडे देसायान सांगलें. अरविंद कुरी हाणे विद्यार्थ्यांक संस्थेच्या प्रगती खातीर वावुरपाचें आवाहन केलें. सर्गेस्त पांडुरंग राऊत हांच्या नावांत दर वर्सा गरजू विद्यार्थ्यांक शिश्यवृत्ती दिवपाचें ताणे जाहीर केलें. प्रेमानंद देसाय हांणे आपल्या आवय-बापायच्या नांवांन स्थापन केल्ल्या ट्रस्टाच्या माध्यमांतल्यान बारावेचे परिक्षेंत कला आनी विज्ञान फाट्यांत पयले नंबर मेळोवपी विद्यार्थ्यांक पुरस्कार दिवपाचें जाहीर केलें.
सुरवकेक पांडुरंग राऊत हाचे जिणे वावराचो नियाळ घेवपी वण्टीपत्रकाचें मानेस्तांचे हस्तुकी उक्तावण केलें. दिवली पेटोवन आनी फोट्याक फुलां हार घालून कार्यावळीक सुरवात जाली. विद्यार्थ्यांनी सांस्कृतीक कार्यावळी सादर केल्यो. प्राचार्य लक्ष्मीकांत परर हाणे येवकार दिवंन प्रास्तावीक केलें. शिवानंद हिरोजी हाणे उपकार मानले. सूत्रसंचालन शिक्षिका श्रृती नायक हिणे केलें. विश्वजीत कारापुरकारा म्हणिल्ले भेरवीन कार्यावळीचो समारोप जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
