भांगरभूंय | प्रतिनिधी
भांगरभूंय । खबरां संस्था
खानापूर : गोंयच्यान बेळगांवा कोयर व्हरपी ट्रक गुंजीच्या वोल्तार उमथो पडलो. हे घडणुकेंत ट्रक चलोवपी ड्रायव्हर जखमी जालो. ट्रकांत आशिल्लो कोयर रस्त्यार सगळ्याक पातळिल्ल्या करणान ह्या वाठारांत दुर्गंध पातळ्ळ्या.
ट्रक उमथो पडिल्ले सुवातेर लोकांची घरां आसात. ह्या घाणयार्या वासाचो हांगच्या लोकांक त्रास जावपाक लागला. गांवचो समाजीक कार्यकर्ते पंकज कुट्रे हांणी ह्या ट्रकाच्या धनयाक हे घडणुके विशीं कळयलां. पूण तो आजूनय घडणुके सुवातेर पावूंक ना. ताका लागून खानापूर पुलिसांनी हे विशीं बेगीन लक्ष घालून तो ट्रक आनी कोयर ट्रकाच्या धनयाक थंयच्या काडूंक लावचो आनी हे दुर्गंधींतल्यान लोकांक मुक्त करचें अशी मागणी ह्या गांवचे लोक करतात.
ह्या ट्रकांत आशिल्लो वेगळो केल्लो कोयर बिजापुरांतल्या लोकापूर हांगच्या सिमेंट कारखान्यांनी इंधन म्हणून वापरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
