सिंधू आनी लक्ष्य सेन यूएस ओपनाचे क्वॉर्टर फायलींत

भांगरभूंय | प्रतिनिधी

खबरां संस्था
न्यूयॉर्कःभारताच्या  पी व्ही सिंधू आनी लक्ष्य सेनान  अमेरिकन ओपन सुपर-300 बॅडमिंटन सर्तीच्या क्वॉर्टर फायनलींत प्रवेश केला. लक्ष्यान हाचे पयलीं कॅनडा ओपनांचे वस्तादपण मेळयल्लें. हे सर्तीचें सेमीफायनलींत सिंधूक हार खावची पडल्ली.
सिंधून शुक्राराक दुसरे फेरयेंत संवसाकीर क्रमवारींत 30वे सुवातेर आशिल्ल्या चीनाच्यात तैपेईच्या त्सुंग शुओ युनाक 21-14, 21-12 अशे हारयलें. ही मॅच जिखपा खातीर सिंधूक चड संघर्श करचो पडलो ना.  सेमीफायनलींत सिंदूक चीनाच्या गाओ फांगजिया कडेन खेळचें पडटलें.
 लक्ष्य सेनान चेक प्रजासत्ताकाच्या जान लाऊडाक 21-8, 23-21 अशें हारयलें. सेमीफायनलींत भारताच्याच शंकर मुथुसामी आड खेळचें पडटलें.
शंकर मुथुसामीन इस्रायलाच्या मिशा झिलबरमनाक 21-18, 21-23, 21-13 अशें हारोवन क्वॉर्टर फायनलींत प्रवेश केला. दादल्यांचे एकोडीत बी साई प्रणीताक पयलेच फेरयेंत हार खावची पडली. संवसारीक क्रमवारींत सातवे सुवातेर आशिल्ल्या चीनााच्या ली शी फेंग कडल्यान ताका हार खावची पडली. एक वर 14 मिनटां चलिल्ल्या हे मॅचींत दुसरो मानांकीत शी फेंग हाणे ताका 16-21, 21-14, 21-19 अशें हारयलें.