तो खीण आयलो प्रत्यक्षांत.. चांद्रयान 3 पावलें अंतराळांत
भांगरभूंय | प्रतिनिधी
भांगरभूंय । खबरां संस्था
श्रीहरीकोट्टा : निमाणो तो खीण भारतीयांचे जिणेंत आयलो. ज्या खिणाची सगळे भारतीय आतुरतायेन वाट पळयताले तें चांद्रयान 3 निमाणें पावलें अंतराळांत. आयज दनपरां 2 जावन 35 मिनटांनी श्रीहरीकोटा हांगच्यान हें चांद्रयान मळबांत उडलें.
23 ऑगस्टाक हें चांद्रयान 3 चंद्राचेर देंवपाची शक्यताय आसा. चंद्राचेर पावल्या उपरांत तांतल्यान एक ल्हानसो रोबोट भायर सरतलो आनी चंद्राच्या दक्षीण ध्रवाचेर ताची सुवात निश्चीत करतले. उपरांत हांगच्या जायत्या गजालींचो सोद लायतले. अशें केल्ल्यान फुडाराक जर चंद्रार वसणूक स्थापन करपाची आसल्यार बरोच फायदो जातलो.
22 जुलय 2019 दिसा सुरू केल्लें चंद्रयान-2 मोहीम 6 सप्टेंबराच्या पयलींच चंद्राचेर क्रॅश जाल्लें. ही मोहीम अपेशी थारिल्ल्यान चांद्रयान 3 करपा खातीर इस्रोच्या शास्त्रज्ञांनी फाटल्या 4 वर्सां सावन बरीच मेहनत घेतल्या. ही मोहीम शुक्रारा दनपरां 2.35 वरांचेर इस्रोच्या ‘बाहुबली रॉकेट’ म्हळ्यार LVM2-3 च्यान चांद्रयान-3 मळाबाचे दिकेन येसस्वीपणान उडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
