भांगरभूंय | प्रतिनिधी
खबरां संस्था
विम्बल्डनः भारताच्या रोहन बोपण्णान आपलो ऑस्ट्रेलियन जोडीदार मॅथ्यू एब्डेन वांगडा विम्बल्डन दोट्टीचे सेमीफायनलींत प्रवेश केलो. बुधवारा जाल्ले हे मॅचींत तांणी टालोन ग्रिक्सपूर आनी स्टिव्हन की हे डट जोडयेक 6-7 (6-3), 7-5, 6-2 अशे हारयलें.
बोपण्णा तिसरे फावट विम्बल्डनाचे सेमीफायनलींत पावला. हाचे पयलीं 2010 आनी 2015 वर्सा तो सेमीफायनलींत पावल्लो. बोपण्णा- एब्डेन जोडयेक आतां डच- ब्रिटीश जोडी वेस्ले कूलहोप आनी नील स्कुपस्की कडेन खेळचें पडटलें.
कार्लोस अल्कारेजेना क्वॉर्टरफायनलींत होल्गार रुनका हारयले. वस्ताद नोव्हाक जोकोव्हीच वांगडा विम्बल्डन जिखपाचे सर्तींत तो आसा. अल्कारेजेनान 7-6 , 6-4, 6-4 अशें जैत मेळयले. सेमीफायनलींत ताका आतां तिसरो सिडेड डॅनियल मेदवेदेव हाचे कडेन खेळचें पडटलें. मेदवेदेवान ख्रिस्टोपर यूबॅक्साक क्वॉर्टरफायनलींत 6-4, 1-6, 4-6, 6-1 अशें हारोवन पयलेच फावट विम्बल्डनाचे सेमीफायनलींत प्रवेश केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
