भांगरभूंय | प्रतिनिधी
खबरां संस्था
थायलंडः थायलंडात सुरू आशिल्ले 25वे आशियाई एथॅलेटिक्स सर्तींत भारतान बिरेस्तारा तीन भांगराचीं आनी एक कांस्यापदक मेळयलें. ज्योतीन याराजीन 100 मीटर आडमेळ्याचे सर्तींत 13.09 सेंकदांनी पयली सुवात मेळयली. अजय कुमार सरोजान 1500 मीटर धांवपाचे सर्तीतं भारताक दुसरें भांगरा पदक आनी ट्रीपल जंप प्रकारात अब्दुल्ला अबुबक्करान 16. 92 मीटर उडी मारून तिसरें भांगरा पदक मेळोवन दिलें. जाल्यार ऐश्वर्या मिश्रान 400 मीटर सर्तींत कांस्या पदक मेळयलें.
ज्योती हीटांत 12.98 सेंकद वेळाची नोंद करून फायनलींत प्रवेश केल्लो. ज्योती पयलेच फावट आशियाई एथॅलेटिक्स सर्तींत वांटो घेता. अंदूच्या सिझनात ताणे बऱ्याच फावट 13 सेकंदांची वेळ नोंद केल्या. ताणे भारताक हे सर्तींतलें पयलें भांगरा पदक जिखून दिलें. सर्तीच्या पयल्या दिसा भारताक कांस्या पदक मेळल्लें. अभिषेक पालान 10 हजार धांवपाचे सर्तींत तें मेळोवन दिल्लें. जपानाच्या रेन तजावान हे सर्तींत भांगरा पदक मेळयलें. जाल्यार कझाकिस्तानाच्या शैड्रेक किमुताईक रुप्या पदक फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
