भांगरभूंय | प्रतिनिधी
विचार पटना, नात्यां मदलें अंतर वा एकाद्या तिसऱ्याचो प्रवेश हें लग्न जाल्ल्या जोडप्यांच्या घटस्फोटाचें कारण थारता. पूण हें फक्त मनशांच्याच नात्यां मदीं न्हय जाल्यार सुकण्यां मदींय ब्रेकअपाचीं अशीं कांय कारणां मुखार आयल्यांत.
सामान्यपणान 90 टकके सुकणीं जिवीतभर आपल्या सांगात्या वांगडा एकनिश्ठ रावतात, अशें मानतात. पूण नव्या संशोधनाचो दावो वेगळो आसा. आतां सुकणीं लेगीत आदलो जोडीदार सोडून नव्या जोडीदारा वांगडा जिवीत जियेवपाक लागल्यात. संशोधकांनी ताका ‘घटस्फोट’ अशें म्हणलां.
जर्मनी आनी चीनाच्या संशोधकांनी जर्नल प्रोसिडिंग्स ऑफ द रॉयल सोसायटी बींत मरणाची आंकडेवारी आनी स्थलांतराक लागून येवपी अंतर हाका लागून सुकण्यांच्या 232 प्रजातींचे वागणुकेंत जाल्ल्या बदलाचो अभ्यास केलो. तातूंत हें वास्तव मुखार आयलें.
जर्मनीचे मॅक्स प्लांक इन्स्टिट्यूट ऑफ अॅनिमल बिहेवियरचे डॉ. जोयटन साँग हांच्या म्हणण्या प्रमाण एकामेकां पसून पयस वचपाचीं दोन कारणां मुखार आयल्यात. ही गजाल सगळ्याच प्रजातीं मदीं दिसली. पयलें कारण म्हणल्यार नर सुकण्याचें एका परस चड जोडीदार आसप आनी दुसरें कारण म्हणल्यार स्थलांतर. मादी सुकण्यां मदीं हीं वागणूक उण्यां प्रमाणांत दिसल्या. नर सुकणें प्रजनना खातीर तयार जाता तेन्ना ताची एकनिश्ठता उणी जाता. ताचें लक्ष हेर खूबशा मादीं मदीं विभाजीत जाता. फुडल्या प्रजनन काळांत तांचो घटस्फोट जावपाक शकता.
साँग हांणी म्हणलां, लांब अंतराचो प्रवास केले उपरांत सुकण्यां मदीं वेगळे जावपाचें प्रमाण वाडटा. प्रवासा उपरांत सुकणी वेगवेगळ्या वेळार पावतात. अशे स्थितींत बेगीन पाविल्ल्या मदल्या एकाद्या नव्या जोडीदाराची भेट जावपाक शकता. ते भायर वेगवेगळ्या सुवातांचेर लेगीत ते पावतात. ताचो परिणाम म्हणल्यार घटस्फोट थारता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
